- ఔట్డోర్ ఈవెంట్లలో డీజేకు నో పర్మిషన్
- రాచకొండ సీపీ సుధీర్ బాబు
మల్కాజిగిరి, వెలుగు: న్యూ ఇయర్ సెలబ్రేషన్స్ సందర్భంగా ఎలాంటి అవాంఛనీయ ఘటనలు, ప్రమాదాలకు తావు లేకుండా చర్యలు తీసుకుంటున్నట్లు రాచకొండ పోలీస్ కమిషనర్ సుధీర్ బాబు అన్నారు. బుధవారం రాచకొండ పరిధిలోని పబ్ లు, బార్లు, రెస్టారెంట్లు, ఫామ్ హౌస్ లు, వైన్ షాపులు, ఈవెంట్ ఆర్గనైజేషన్ నిర్వాహకులతో సమన్వయ సమావేశం నిర్వహించారు.
ఈ సందర్భంగా కమిషనర్ మాట్లాడుతూ.. ఔట్ డోర్ కార్యక్రమాలు జరిగే చోట డీజే బాక్సులకు, పటాకులు కాల్చడానికి అనుమతి లేదన్నారు. పబ్ లు, బార్లు, వైన్ షాపులు నిర్దేశిత సమయం లోపు మూయాలని, మైనర్లకు లిక్కర్ అమ్మితే కఠిన చర్యలు ఉంటాయని హెచ్చరించారు. ఈ కార్యక్రమంలో డీసీపీలు నారాయణరెడ్డి, అనురాధ, సీహెచ్.శ్రీధర్ ఆకాంక్ష్ యాదవ్, రమణారెడ్డి, ఇందిర, నరసింహారెడ్డి, ఉషా రాణి, శ్రీనివాస్, మనోహర్, శ్యామ్ సుందర్ పాల్గొన్నారు.
