- కాంగ్రెస్ నుంచి గోషామహల్ బరిలో రాహుల్ సిప్లిగంజ్?
- బీజేపీ తరఫున కామారెడ్డి నుంచి విజయశాంతి
- సికింద్రాబాద్లో పోటీ చేయనున్న జయసుధ!
- బీఆర్ఎస్ తరఫున జాతీయ రాజకీయాల్లోకి జయప్రద?
హైదరాబాద్, వెలుగు: వచ్చే అసెంబ్లీ ఎన్నికల్లో సినిమా గ్లామర్ స్పెషల్ ఎట్రాక్షన్గా నిలవనుంది. కాంగ్రెస్, బీఆర్ఎస్, బీజేపీ తరఫున పలువురు సినీ సెల బ్రిటీలు బరిలో నిలవడానికి సిద్ధమవు తున్నారు. కాంగ్రెస్ పార్టీ నుంచి సింగర్ రాహుల్ సిప్లిగంజ్పోటీ చేయనున్నట్లు ప్రచా రం జరుగుతున్నది. ఆస్కా ర్ విన్నింగ్ సాంగ్తో అభిమానుల్ని సంపాదించుకున్న ఆయన్ను పార్టీ తరఫున పోటీలో నిలపాలని కాం గ్రెస్ పెద్దలు భావిస్తున్నట్టు తెలి సింది. రాహుల్ సిప్లిగంజ్కు ఉన్న ఫాలోయింగ్ పార్టీకి కొంతైనా మేలు చేస్తుందన్న యోచనలో ఉన్నట్టు టాక్.
ఇటీవల రాజీవ్ గాంధీ యూత్ క్విజ్ పోటీల ప్రారంభోత్సవం సందర్భంగా కూడా రాహుల్ సిప్లిగంజ్ను కాంగ్రెస్ నేతలు ఆహ్వానించిన సంగతి తెలిసిందే. ఈ క్రమంలోనే ఇప్పుడు ఆయన్ను గోషామహల్ స్థానం నుంచి పోటీ చేయాల్సిందిగా కాంగ్రెస్ నేతలు అడిగినట్టు తెలిసింది. దీనిపై చర్చలు కూడా జరిపినట్టు సమాచారం. అయితే, ఆ నియోజకవర్గం నుంచి పోటీ చేయలేనని, వేరే నియోజకవర్గం నుంచి పరిశీలించాల్సిందిగా పార్టీ నేతలను రాహుల్ సిప్లిగంజ్ కోరినట్లు కాంగ్రెస్ వర్గాల్లో ప్రచారం జరుగుతున్నది. ఆ నియోజకవర్గం ఏమిటన్నది మాత్రం ప్రస్తుతం సస్పెన్స్గానే ఉంది.
బీజేపీ నుంచి విజయశాంతి, జయసుధ
బీజేపీలోనూ పలువురు సినీ ప్రముఖులు ఈ సారి ఎన్నికల బరిలోకి దిగనున్నారు. సినీ నటి, పొలిటీషియన్ విజయశాంతి ఎప్పటి నుంచో బీజేపీలో ఉన్నారు. ఆమె ఇప్పుడు కామారెడ్డి నుంచి పోటీ చేయనున్నట్లు రాజకీయవర్గాల్లో చర్చ నడుస్తున్నది. ఆకట్టుకునేలా మాట్లా డడం, వైరి పక్షాలపై ఆమె స్టైల్ విమర్శలు బీజేపీకి లబ్ధి చేకూరుస్తాయని పార్టీ శ్రేణులు నమ్ముతున్నారు. ఇటీవల మరో సినీ నటి జయసుధ బీజేపీలో చేరారు. 2009 వైఎస్ హయాంలో కాంగ్రెస్ తరఫున సికింద్రాబాద్ నుంచి పోటీ చేసిన ఆమె.. మంచి మెజారిటీతో విజయం సాధించారు.
ఆ తర్వాత రాజకీయాలకు కొంత దూరంగా ఉన్నారు. జయసుధను సికింద్రాబాద్ లేదా ముషీరాబాద్ స్థానాల్లో ఏదో ఒక చోటు నుంచి పోటీ చేయించే యోచనలో బీజేపీ నేతలు ఉన్నట్లు ప్రచారం జరుగుతున్నది. మరోవైపు బీఆర్ఎస్లో సినీ నటి జయప్రద చేరే అవకాశం ఉన్నట్టు వార్తలు చక్కర్లు కొడ్తున్నాయి. ఆమెను జాతీయ రాజకీయాల్లోకి తీసుకోవాలని బీఆర్ఎస్ నేతలు భావిస్తున్నట్టు పొలిటి కల్ వర్గాల్లో చర్చ జరుగుతున్నది.