హైదరాబాద్/బషీర్ బాగ్, వెలుగు: బీఆర్ఎస్ పార్టీ నిరంకుశ, అవినీతి పాలనను తరిమికొట్టాలంటే బీజేపీ రాష్ట్ర పార్టీ నాయకత్వాన్ని ఆర్ఎస్ఎస్ ప్రచారక్ ఆలె శ్యామ్జీకి అప్పగించాల్సిన అవసరం ఉందని గోషామహల్ ఎమ్మెల్యే రాజాసింగ్ అన్నారు.
దక్షిణ భారతదేశంలో ఆర్ఎస్ఎస్ విభాగ్ లో లక్షల మందికి శిక్షణ ఇచ్చిన శ్యామ్ జీ ని రాజకీయాల్లోకి తీసుకురావాలంటూ బీజేపీ హైకమాండ్కు విజ్ఞప్తి చేశారు. ఈ విషయంలో కేంద్ర మంత్రి, పార్టీ రాష్ట్ర చీఫ్ కిషన్ రెడ్డి జోక్యం చేసుకొని హైకమాండ్ తో మాట్లాడాలని కోరారు. శ్యామ్ జీ లాంటి ప్రచారక్ రాజకీయాల్లో వస్తే రాష్ట్రంలో పెనుమార్పులు తీసుకొచ్చే అవకాశం ఉందని ఆయన అన్నారు.
