జీడిమెట్ల, వెలుగు: బాలికపై అత్యాచారయత్నం ఘటన జీడిమెట్ల పీఎస్ పరిధిలో జరిగింది. పోలీసులు తెలిపిన వివరాల ప్రకారం.. సిటీకి చెందిన ఓ బాలిక(11) మంగళవారం రాత్రి ఇంటి ముందు సైకిల్ తొక్కుతోంది. దగ్గరలోని టెంట్ హౌస్ లో పనిచేసే సూరత్ కు చెందిన ఓ వ్యక్తి బాలిక దగ్గరికి వచ్చాడు. మాయమాటలు చెప్పి టెంట్ హౌస్ లోకి తీసుకెళ్లి అత్యాచారానికి యత్నించాడు. బాలిక భయంతో కేకలు వేయడంతో నిందితుడు అక్కడి నుంచి పారిపోయాడు. జరిగిన విషయాన్ని బాలిక తల్లిదండ్రులకు చెప్పగా.. వారు జీడిమెట్ల పీఎస్లో కంప్లయింట్ చేశారు. పోలీసులు నిందితుడిపై పోక్సో కేసు ఫైల్ చేసి దర్యాప్తు చేపట్టారు.
