బోర్డర్ గవాస్కర్ ట్రోఫీలో తన బౌలింగ్తో ప్రత్యర్థులను ముప్పుతిప్పలు పెడుతున్న రవిచంద్రన్ అశ్విన్..ఈ సిరీస్లో ఇప్పటికే అనేక రికార్డులను తన ఖాతాలో వేసుకున్నాడు. టెస్టుల్లో 450 వికెట్లు మైలురాయిని అందుకున్నాడు. అయితే అత్యంత వేగంగా ఈ మైలురాయిని అందుకున్న భారత స్పిన్నర్గా అశ్విన్ నిలిచాడు. ఈ క్రమంలో అనిల్ కుంబ్లే రికార్డును అతడు బ్రేక్ చేశాడు. తాజాగా మూడో టెస్టుకు ముందు అశ్విన్ మరో రికార్డుపై కన్నేశాడు.
నాగ్‌పూర్, ఢిల్లీ వేదికగా జరిగిన మొదటి రెండు టెస్టుల్లో అశ్విన్ 14 వికెట్లు పడగొట్టాడు. ఈ నేపథ్యంలో అశ్విన్ మరో 9 వికెట్లు పడగొడితే..ఈ ట్రోఫీ చరిత్రలోనే అత్యధిక వికెట్లు పడగొట్టిన భారత బౌలర్‌గా రికార్డు క్రియేట్ చేస్తాడు. ఇప్పటి వరకూ ఈ రికార్డ్‌లో అనిల్ కుంబ్లే (111) పేరిట ఉంది. ఇప్పటికే బోర్డర్- గవాస్కర్ ట్రోఫీలో 103 వికెట్లు దక్కించుకున్న అశ్విన్.. మరో 9 వికెట్లు పడగొట్టి అనిల్ కుంబ్లే నెం.1 రికార్డ్‌ని బ్రేక్ చేయాలని చూస్తున్నాడు.
ఆస్ట్రేలియాతో జరిగిన ఫస్ట్ టెస్టులో అశ్విన్ 8 వికెట్లు పడగొట్టాడు. రెండో టెస్టులో 6 వికెట్లు దక్కించుకున్నాడు. దీంతో తొలి టెస్టులో భారత్ ఇన్నింగ్స్, 132 పరుగుల తేడాతో గెలవగా..ఢిల్లీ టెస్టులో6 వికెట్ల తేడాతో విజయం సాధించింది.
