కొమురం భీం జిల్లా రెబ్బెన ఎస్సై భవాని సేన్ను ఉన్నతాధికారులు సస్పెండ్ చేశారు. కానిస్టేబుల్ ఎగ్జామ్స్ కోసం ప్రిపేర్ కావడానికి తనకు స్థోమత లేదని, మెటీరియల్ ఉంటే ఇచ్చి సాయం చేయాలని అడిగిన ఓ యువతితో ఎస్ఐ భవానీ సేన్ అసభ్యంగా ప్రవర్తించాడు. స్టేషన్ కి వస్తే బుక్స్ ఇస్తానని పిలిచి లైంగిక వేధింపులకు దిగాడు. దీంతో సదరు బాధితురాలు రెబ్బెన పీఎస్లో ఎస్ఐపై కంప్లయింట్ చేసింది. దీనిపై విచారణ చేపట్టిన ఉన్నతాధికారులు ఎస్సైను సస్పెండ్ చేస్తూ ఉత్తర్వులు జారీ చేశారు.
ఇటీవల రాష్ట్ర సర్కారు కానిస్టేబుల్ పోస్టుల భర్తీ కోసం నోటిఫికేషన్రిలీజ్ చేసింది. దీంతో పోలీసు కావాలని కలలు కంటున్న మండలానికి చెందిన ఓ యువతి ఎస్సై భవానీసేన్ను ఆశ్రయించింది. సూచనలు, సలహాలు చెప్పాలని కోరింది. ఈ క్రమంలో ఆమెకు మెటీరియల్ ఇస్తానని భరోసా ఇచ్చాడు. కానిస్టేబుల్ కావాలంటే బుక్స్చదివితేనే సరిపోదని, పోస్టులకు తగ్గట్టు ఫిజిక్ ఉండాలన్నాడు. లేకపోతే జాబ్ రాదని, ఎత్తు, ఇతర మెజర్మెంట్స్చూస్తానని కొద్దిరోజుల కింద పోలీస్ స్టేషన్ కు పిలిపించాడు. కొలతల పేరుతో యువతి ప్రైవేట్పార్ట్స్తాకుతూ పైశాచికానందం పొందాడు. దీంతో ఎస్ఐ ప్రవర్తన నచ్చక ఆమె ఏడ్చుకుంటూ వెళ్లిపోయింది. మరుసటి రోజు నిజంగా మెటీరియల్ ఇస్తానని పీఎస్కు రమ్మన్నాడు. నమ్మి రావడంతో మెటీరియల్ ఇవ్వకపోగా, ‘ఇంట్లో నా భార్య లేదు. నువ్వు ఇంటికి రా ’ అంటూ అసభ్యంగా మాట్లాడాడు. దీంతో వేధింపులు భరించలేక కుటుంబసభ్యులకు విషయం చెప్పి మంగళవారం రెబ్బన పోలీస్స్టేషన్లో కంప్లయింట్ చేసింది. ఘటనను సీరియస్గా తీసుకున్న పోలీసు ఉన్నతాధికారులు ఎస్సై భవానీ సేన్ పై వేటు వేశారు.
