రిజర్వ్ బ్యాంక్ ఆఫ్ ఇండియా (ఆర్బీఐ) జూనియర్ ఇంజినీర్ పోస్టుల భర్తీకి నోటిఫికేషన్ విడుదల చేసింది. డిప్లొమా, బీఈ/ బి.టెక్ అర్హత ఉన్న అభ్యర్థులు ఆన్లైన్లో దరఖాస్తు చేసుకోవచ్చు. ఆన్లైన్ దరఖాస్తుల స్వీకరణ ఏప్రిల్ 16న ప్రారంభమై మే 5న ముగుస్తుంది.
పోస్టు పేరు: జూనియర్ ఇంజినీర్.
మొత్తం ఖాళీలు: 11.
విభాగాల వారీగా ఖాళీలు: సివిల్ 7, ఎలక్ట్రికల్ 4.
ఎలిజిబిలిటీ: గుర్తింపు పొందిన యూనివర్సిటీ నుంచి సంబంధిత ఇంజినీరింగ్ విభాగంలో కనీసం 65 శాతం మార్కులతో 3 సంవత్సరాల డిప్లొమా (ఎస్సీ, ఎస్టీ, పీడబ్ల్యూబీడీలకు 55 శాతం)లేదా సంబంధిత ఇంజినీరింగ్ విభాగంలో కనీసం 55 శాతం మార్కులతో డిగ్రీ (ఎస్సీ, ఎస్టీ, పీడబ్ల్యూబీడీలకు 55 శాతం) పూర్తిచేసి ఉండాలి. నిర్దేశించిన పోస్ట్- క్వాలిఫికేషన్ కలిగి ఉండాలి.
వయోపరిమితి: 20 నుంచి 30 ఏండ్లు ఉండాలి. కేంద్ర ప్రభుత్వ నిబంధనల ప్రకారం రిజర్వ్డ్ వర్గాలకు వయోపరిమితిలో సడలింపు ఉంటుంది.
అప్లికేషన్: ఆన్లైన్ ద్వారా.
అప్లికేషన్ ప్రారంభం: ఏప్రిల్ 16.
అప్లికేషన్ ఫీజు: ఎస్సీ, ఎస్టీ, పీడబ్ల్యూబీడీ, మాజీ సైనికులకు రూ.50. ఓబీసీ, జనరల్, ఈడబ్ల్యూఎస్ అభ్యర్థులకు రూ.450.
లాస్ట్ డేట్: మే 06.
ఆన్లైన్ ఎగ్జామ్ తేదీ: 2026, జూన్ 6 (తాత్కాలికం).
సెలెక్షన్ ప్రాసెస్: ఆన్లైన్ ఎగ్జామినేషన్, లాంగ్వేజీ ప్రొఫిషియెన్సీ టెస్ట్, డాక్యుమెంట్ వెరిఫికేషన్, మెడికల్ ఎగ్జామినేషన్ ఆధారంగా అభ్యర్థులను ఎంపిక చేస్తారు.
మరిన్ని వివరాలకు వెబ్ సైట్ www.rbi.org.inను సందర్శించండి.
ఆన్లైన్ పరీక్షా విధానం
ఈ పరీక్ష పూర్తిగా ఆబ్జెక్టివ్ తరహాలో ఉంటుంది. మొత్తం 300 ప్రశ్నలు ఉంటాయి. ఒక్కో ప్రశ్నకు ఒక మార్కు చొప్పున మొత్తం 300 మార్కులు కేటాయించారు. ప్రశ్నలు ఇంగ్లిష్ లాంగ్వేజ్, ఇంజినీరింగ్ విభాగం, జనరల్ ఇంటెలిజెన్స్, రీజనింగ్ నుంచి ప్రశ్నలు ఉంటాయి.
►ALSO READ | CSIR-NIScPRలో 40 ఉద్యోగాలు: పరీక్ష లేదు.. ఫీజు లేదు.. కేవలం ఇంటర్వ్యూతోనే ఎంపిక!
