ఇది రొయ్యే! స్పెషల్ రొయ్య! నీలి రొయ్య! 20 లక్షల్లో ఒకటి మాత్రమే నీలం రంగులో ఉండే రొయ్య ఇది. అమెరికాలోని మసాచుసెట్స్ రాష్ట్రంలో ఉన్న ఈస్ట్హాం ప్రాంతానికి చెందిన ఓ రెస్టారెంట్ ఓనర్కు షిప్మెంట్లో వచ్చిందీ నీలి రొయ్య. ఆర్నాల్డ్ లాబ్స్టర్ అండ్ క్లామ్ బార్ ఓనర్ నాథన్ నికర్సన్.. రొయ్యలు ఆర్డర్ ఇచ్చాడు. ఆ ఆర్డర్లో ఇలా నీలి రొయ్య వచ్చింది. దానిని వండకుండా ఓ వారం పాటు ప్రదర్శనకు పెడతానని నికర్సన్ చెప్పాడు. ఆ తర్వాత సెయింట్ లూయిస్లో త్వరలో ప్రారంభం కాబోతున్న ఓ ఆక్వేరియంకు దానం చేసేస్తానని చెప్పాడు. కాగా, ఇలాంటి రొయ్యలు ప్రతి 20 లక్షల్లో ఒకటి మాత్రమే ఉంటాయని యూనివర్సిటీ ఆఫ్ మెరీన్స్ లాబ్స్టర్ ఇనిస్టిట్యూట్ సైంటిస్టులు చెప్పారు.
