ఇబ్రహీంపట్నం, వెలుగు: డిఫెన్స్ ఎలక్ట్రానిక్స్ రీసెర్చ్ లాబొరేటరీ రిటైర్డ్సైంటిస్ట్ ప్లాట్ను కొందరు నకిలీ ఆధార్ కార్డు సృష్టించి, ఫోర్జరీ రిజిస్ట్రేషన్లతో కబ్జా చేశారు. బెంగళూరులో ఉంటున్న మాజీరిటైర్డ్సైంటిస్ట్ ఆర్.తంగరాజ్ (67) రంగారెడ్డి జిల్లా బాలాపూర్ మండలం నాదర్గుల్ లో 1984లో 300 చదరపు గజాల ప్లాట్కొన్నాడు.
రిటైర్డ్అయిన తర్వాత అనారోగ్యంతో బెంగళూరులో ఉంటుండడంతో హైదరాబాద్ రాలేకపోయాడు. దీన్ని ఆసరాగా చేసుకుని ఓ గుర్తు తెలియని వ్యక్తి తంగరాజ్ పేరుతో నకిలీ ఆధార్ కార్డు, తప్పుడు వయస్సు (56 ఏళ్లు), నకిలీ పాన్ నంబర్ సృష్టించాడు.
బంటు పుష్ప, నెనావత్ బుజ్జి, శ్యామల యాదయ్యలతో కలిసి ప్లాట్ను రిజిస్ట్రేషన్చేయించుకుని వేరే వారి పేర్లమీదకి మార్చేశారు. ఆ స్థలంలో నిర్మాణ పనులు చేసేందుకు సామాగ్రిని కూడా తరలించాడు. ఆన్లైన్ లో ఎన్కంబరెన్స్ సర్టిఫికేట్ (ఈసీ) చూసి మోసాన్ని గుర్తించిన బాధితుడు ఆదిభట్ల పోలీసులకు ఫిర్యాదు చేశారు. కేసు నమోదు చేసి దర్యాప్తు జరుపుతున్నట్లు సీఐ రమేశ్తెలిపారు.
