హైదరాబాద్, వెలుగు : ఎల్బీ స్టేడియంలో ప్రమాణ స్వీకార కార్యక్రమం తర్వాత రేవంత్రెడ్డి డాక్టర్ బీఆర్అంబేద్కర్సెక్రటేరియెట్ కు వెళ్లనున్నారు. మధ్నాహ్నం 3 గంటలకు సీఎం హోదాలో ఆయన సచివాలయంలో అడుగుపెట్టనున్నారు. ఆరో అంతస్తులో ఉన్న సీఎం చాంబర్లో ఆయన సీట్లో కూర్చొని, సీఎస్ తో పాటు ఇతర ఉన్నతాధికారులతో భేటీ కానున్నారు. ఔటర్ రింగురోడ్డు టెండర్లలో జరిగిన అవినీతిపై అప్లికేషన్ఇవ్వాలని ఈ ఏడాది మే నెలలో రేవంత్రెడ్డి సెక్రటేరియెట్ లోపలికి వెళ్లేందుకు ప్రయత్నించగా.. ఆయనను కిలోమీటర్దూరంలోనే అడ్డుకున్నారు. ఇప్పుడు ఏకంగా సీఎం హోదాలో పోలీసులు, భారీ భద్రతా కాన్వయ్మధ్య రేవంత్సెక్రటేరియేట్ లోకి గురువారం అడుగుపెట్టబోతున్నారు.
కొత్త సచివాలయం ప్రారంభం తర్వాత కొన్నిసార్లు అక్కడ సమీక్షలు నిర్వహించిన కేసీఆర్.. నేతలతో పాటు సామాన్యులెవర్నీ అందులోకి అడుగుపెట్టనివ్వలేదు. రేవంత్ రెడ్డి, సీతక్క లాంటి వాళ్లు సచివాలయంలోకి వెళ్లేందుకు ప్రయత్నించినా, అనుమతి లేదని పోలీసులు అడ్డుకున్నారు.