విభిన్నమైన కథలు, వైవిధ్యభరిత చిత్రాలతో ఆకట్టుకున్న దర్శకుడు ఇంద్రగంటి మోహనకృష్ణ.. ఇప్పుడు తన డ్రీమ్ ప్రాజెక్ట్‌‌‌‌గా సూపర్ హీరో సినిమా చేయబోతున్నారు. శ్రీకాంత్ కొడుకు రోషన్ మేక ఈ చిత్రంలో హీరోగా నటిస్తున్నాడు. రేఖా పాండే హీరోయిన్‌. వినయ్ రాయ్ కీలక పాత్ర పోషిస్తున్నాడు. ముప్పా వెంకయ్య చౌదరి సమర్పణలో అశోక్ వర్ధన్ ముప్పా, సునీల్ బలుసు నిర్మిస్తున్నారు. ఈ పాన్ ఇండియా మూవీని బుధవారం పూజా కార్యక్రమాలతో ప్రారంభించారు.
ముప్పా వెంకయ్య చౌదరి కెమెరా స్విచ్ ఆన్ చేయగా, హీరో శ్రీకాంత్ క్లాప్ కొట్టారు. ఈ యాక్షన్ అడ్వెంచర్ ప్రాజెక్ట్ కోసం దాదాపు ఏడాదిన్నర ప్రీ ప్రొడక్షన్ వర్క్స్‌ చేశామని, అత్యాధునిక సాంకేతికత, భారీ స్థాయి విజువల్స్‌‌‌‌తో అన్ని వర్గాల ప్రేక్షకులను ఆకట్టుకునేలా రూపొందిస్తున్నామని ఈ సందర్భంగా మేకర్స్‌ తెలియజేశారు.
పి.జి. విందా సినిమాటోగ్రాఫర్ కాగా, హనుమాన్, మిరాయ్ చిత్రాలతో మెప్పించిన గౌర హరి సంగీతం అందిస్తున్నాడు. డిసెంబర్ మొదటి వారంలో షూటింగ్ ప్రారంభం కానుంది.
