హైదరాబాద్ సిటీ/గండిపేట, వెలుగు: గ్రేటర్ పరిధిలో ఫిట్నెస్లేని ప్రైవేట్స్కూల్, కాలేజీల బస్సులపై ఆర్టీఏ అధికారులు కొరడా ఝళిపిస్తున్నారు. విద్యాసంస్థలు ప్రారంభమైన గురువారం నుంచి హైదరాబాద్, రంగారెడ్డి జిల్లాలకు చెందిన అధికారులు బస్సులను తనిఖీ చేస్తున్నారు. ఈ సందర్భంగా ఫిట్నెస్ లేని, ఓవర్లోడ్తో వెళ్తున్న, సరైన పత్రాలు లేని, 60 ఏండ్లు దాటిన డ్రైవర్లు నడుపుతున్న 15 బస్సులను సీజ్చేసి 52 కేసులు నమోదు చేశారు.
వికారాబాద్: వికారాబాద్లో ఫిట్ నెస్ లేని రెండు స్కూల్ బస్సులపై రవాణా శాఖ అధికారులు కేసు నమోదు చేశారు. శుక్రవారం తనిఖీల్లో భాగంగా రెండు బస్సులకు ఫిట్నెస్ లేకపోవడంతో కేసు నమోదు చేసి, ఒక్కో బస్సుకు రూ.5 వేల చొప్పున జరిమానా విధించినట్లు జిల్లా రవాణా శాఖ అధికారి వెంకట్ రెడ్డి తెలిపారు.
