హీరో నాగ చైతన్య(Nagachaitanya)..డైరెక్టర్ చందు మొండేటి(Chandumondeti) కాంబోలో ప్రేమమ్ మంచి సక్సెస్ అయింది. ఇప్పుడు వీరిద్దరి కలయికలో మరో మూవీ రాబోతున్న విషయం తెలిసిందే. ఈ మూవీ మత్స్యకారుల జీవిత కథలు ఎలా ఉంటాయో చూపించడానికి ఈ క్రేజీ కాంబో రెడీ అవుతుంది.
లేటెస్ట్ అప్డేట్ ప్రకారం ఈ మూవీలో హీరోయిన్ ఎవరనేది సోషల్ మీడియాలో డిస్కషన్ జరుగుతోంది. ఈ స్టోరీలో ఒక బ్యూటిఫుల్ లవ్ స్టోరీ ఉంటుందని టాక్. అందుకోసం ఇప్పటికే మహానటి కీర్తిసురేష్(Keerthy Suresh)ఈ ప్రాజెక్ట్ లో నటిస్తున్నట్టు వార్తలు రాగా.. లేటెస్ట్ గా లేడీ సూపర్ స్టార్ సాయి పల్లవి(Saipallavi) పేరు వినిపిస్తోంది. ఈ ఇద్దరిలో ఎవరిని తీసుకుంటే బాగుంటుందని మేకర్స్ ఆలోచిస్తున్నారట.
ఎందుకంటే మత్స్యకారుల రియల్ ఇన్సిడెంట్స్ బేస్ చేసుకుని ఈ మూవీ తెరకెక్కుతోంది. ఇప్పటికే ఈ మూవీ కోసం చైతూ తన కసరత్తులు మొదలుపెట్టారు. వారు నిజ జీవితంలో ఎలాంటి సమస్యలు ఫేస్ చేస్తారో తెలుసుకోవడానికి మత్స్యకారుల గ్రామాలకు నాగచైతన్య, చందూ మొండేటి వెళ్లారు. అందుకోసం సహజంగా యాక్ట్ చేసే హీరోయిన్స్ సాయి పల్లవి, కీర్తి సురేష్ అయితే ఈ మూవీకి సెట్ అవుతారనే ఆలోచనలో మేకర్స్ ఆలోచిస్తున్నారట. త్వరలో ఎవరో ఒకరు సెట్ అయ్యే ఛాన్స్ ఉన్నట్టు తెలుస్తోంది. ఈ మూవీలో చైతూ బోటు డ్రైవర్ క్యారెక్టర్ చేస్తున్నట్టు టాక్.
ఈ మూవీని గీత ఆర్ట్స్ బ్యానర్లో అల్లు అరవింద్(Allu Aravind) సమర్పణలో బన్నీ వాసు(Bunny Vasu) పాన్ ఇండియా లెవెల్లో నిర్మించున్నారు. ఈ మూవీ కోసం మ్యూజిక్ సెన్సషన్ అనిరుధ్ రవిచందర్( Anirudh Ravichander) స్వరాలూ అందిస్తున్నట్లు టాక్ వినిపిస్తోంది. ఇక రీసెంట్ గా కార్తీకేయ 2 మూవీతో వంద కోట్ల క్లబ్ లో చేరిన డైరెక్టర్ చందు మొండేటి చైతన్యకి ఎలాంటి హిట్ ఇస్తాడో చూడాలి మరి.
