వైభవ్ వికెట్ తర్వాత సైమ్ అయూబ్ సెలబ్రేషన్స్.. బిగ్ బాస్ బేబీ అంటూ ట్రోల్ చేసిన పాక్ స్టార్!

Saim Ayub celebration: జపాన్‌లోని నిస్షిన్ వేదికగా కోరోగి స్పోర్ట్స్ పార్క్‌లో జరుగుతున్న 2026 ఏషియన్ గేమ్స్ మెన్స్ క్రికెట్ గోల్డ్ మెడల్ మ్యాచ్‌లో భారత్ వర్సెస్ పాకిస్థాన్ జట్ల మధ్య రసవత్తర పోరు కొనసాగుతోంది. ఈ హై-వోల్టేజ్ ఫైనల్ మ్యాచ్‌లో పాకిస్థాన్ ఆల్ రౌండర్ సైమ్ ఆయూబ్ (Saim Ayub) చేసిన చిల్లర వేషాలు, భారత యువ సంచలనం అభిషేక్ శర్మ (Abhishek Sharma) ఇచ్చిన అదిరిపోయే కౌంటర్ ప్రస్తుతం సోషల్ మీడియాలో హాట్ టాపిక్‌గా మారాయి.

వైభవ్ ఔట్.. బేబీ సెలెబ్రేషన్స్ తో వెక్కిరించిన సాయూబ్: 

టాస్ గెలిచి బ్యాటింగ్‌కు దిగిన భారత ఇన్నింగ్స్ సమయంలో ఈ ఆసక్తికర ఘటన చోటు చేసుకుంది. 15 ఏళ్ల యువ ఓపెనర్ వైభవ్ సూర్యవంశీ వరుస సిక్సులతో విరుచుకుపడి పాక్ బౌలర్లపై ఎదురుదాడికి దిగాడు. కానీ మూడో ఓవర్ వేసిన పాకిస్థాన్ స్పిన్నర్ సైమ్ ఆయూబ్ బౌలింగ్‌లో వైభవ్ రివర్స్ స్వీప్ షాట్‌కు ప్రయత్నించి వికెట్ కీపర్ ఉస్మాన్ ఖాన్‌కు క్యాచ్ ఇచ్చి వెనుదిరిగాడు. ఇక వైభవ్ ఔటైన వెంటనే సాయూబ్ తన చేతులతో చిన్నపిల్లవాడిని జోలపాడినట్లు (Cradling a baby celebration) సైగలు చేస్తూ వెక్కిరించాడు. చిన్న వయసు ఆటగాడని కూడా చూడకుండా పాక్ ప్లేయర్ చేసిన ఈ ఓవరాక్షన్ పై నెటిజన్లు తీవ్రస్థాయిలో మండిపడుతున్నారు.

క్యాచ్ వదిలిన పాక్.. విరుచుకుపడ్డ అభిషేక్ శర్మ: 

వైభవ్ ఔట్ అయినప్పటికీ, మరో ఓపెనర్ అభిషేక్ శర్మ పాక్ బౌలర్లకు చుక్కలు చూపించాడు. ఇన్నింగ్స్ 5వ ఓవర్లో సాయూబ్ స్వయంగా అభిషేక్ ఇచ్చిన క్యాచ్‌ను (మిడ్-వికెట్ ప్రాంతంలో) జారవిడిచాడు. అప్పటికి అభిషేక్ 38 పరుగులతో వ్యక్తిగత జోరు మీద ఉన్నాడు. క్యాచ్ వదిలిన ప్రాయశ్చిత్తాన్ని పాకిస్థాన్ గట్టిగానే మూల్యం చెల్లించుకోవాల్సి వచ్చింది. దీంతో అభిషేక్ కేవలం 20 బంతుల్లోనే హాఫ్ సెంచరీ పూర్తి చేసుకున్నాడు. పాకిస్థాన్‌పై టీ20ల్లో అత్యంత వేగంగా అర్ధశతకం బాదిన భారత ఆటగాడిగా అభి రికార్డు సృష్టించాడు. చివరకు అరఫత్ మిన్హాస్ బౌలింగ్‌లో 28 బంతుల్లో 61 పరుగులు (సిక్సర్లు, ఫోర్ల మోతతో) చేసి అభిషేక్ వెనుదిరిగినా, అప్పటికే జరగాల్సిన నష్టం పాకిస్థాన్‌కు జరిగిపోయింది.

HMM...THAT’S SOME CELEBRATION! 🤨 🍼

Saim Ayub knows how BIG BOSS BABY's wicket was 🙆

Watch Pakistan vs India in the Men's Cricket Final at the 20th Asian Games Aichi-Nagoya 2026, LIVE NOW on Sony Sports Network TV channels & Sony LIV.#SonySportsNetwork #SonyLIV #AsianGames… pic.twitter.com/eUGsSMrIOo

— Sony Sports Network (@SonySportsNetwk) October 3, 2026