హీరోయిన్గా వరుస సినిమాలు చేస్తూనే, లీడ్ రోల్లో సంయుక్త నటిస్తున్న చిత్రం ‘ది బ్లాక్ గోల్డ్’. ఈ యాక్షన్ డ్రామాకు ‘చింతకాయల రవి’ ఫేమ్ యోగేష్ కేఎంసీ దర్శకుడు. రాజేష్ దండా నిర్మిస్తున్నారు. ఇందులో సంయుక్త పవర్ఫుల్ పోలీస్ ఆఫీసర్గా నటిస్తోంది. దీనికోసం ఆమె డూప్ లేకుండా భారీ యాక్షన్ సీక్వెన్సులు చేస్తోందని టీమ్ తెలియజేసింది.
ఈ స్టంట్స్లో అవుతున్న గాయాలను కూడా పట్టించుకోకుండా సంయుక్త షూటింగ్ చేస్తున్నట్టు చెబుతూ.. తనకు గాయాలైన ఫొటోను టీమ్ పోస్ట్ చేసింది. ఈ యాక్షన్ సీక్వెన్సులు సినిమాకు హైలైట్గా నిలవనున్నాయని, సంయుక్త కెరీర్లో ఇది స్పెషల్ మూవీగా నిలవనుందని అన్నారు. మురళీ శర్మ, రావు రమేష్, నాజర్, రవీంద్ర విజయ్, ఆడుకలం నరేన్, బీవీఎస్ రవి ఇతర పాత్రలు పోషిస్తున్న ఈ చిత్రానికి సామ్ సిఎస్ సంగీతం అందిస్తున్నాడు. తెలుగుతోపాటు తమిళ, మలయాళ, కన్నడ, హిందీ భాషల్లోనూ సమ్మర్లో సినిమా రిలీజ్కు ప్లాన్ చేస్తున్నారు.
