Sanju Samson: జపాన్లోని సానో ఇంటర్నేషనల్ క్రికెట్ గ్రౌండ్లో భారత్ వర్సెస్ జపాన్ జట్ల మధ్య జరగాల్సిన చారిత్రాత్మక ఏకైక టీ20 మ్యాచ్కు వర్షం కారణంగా నిలిచిపోయింది. తడి ఔట్ఫీల్డ్ వలన టాస్ మరింత ఆలస్యమవడంతో ఇరు జట్ల ఆటగాళ్లు, సపోర్ట్ స్టాఫ్ గ్రౌండ్ వెలుపల వేచి చూడాల్సి వచ్చింది. కానీ ఈ టైంలో భారత వికెట్ కీపర్ బ్యాటర్ సంజు శాంసన్ (Sanju Samson) చేసిన ఓ సరదా సంఘటన ప్రస్తుతం సోషల్ మీడియాలో సెన్సేషన్గా మారింది.
మైదానంలో కుర్చీతో విన్యాసం:
మ్యాచ్ ప్రారంభం కాకపోవడంతో డ్రెస్సింగ్ రూమ్ వాతావరణాన్ని రీఫ్రెష్ చేసేందుకు సంజు శాంసన్ తన ట్రేడ్ మార్క్ కామెడీకి పనిచెప్పాడు. గ్రౌండ్ పక్కనే ఉన్న ఒక ప్లాస్టిక్ కుర్చీని చేతుల్లోకి తీసుకున్న సంజు, ఉన్నట్టుండి దానిని ఏకంగా తన తలపైకి ఎత్తి పట్టుకుని సరదాగా హల్చల్ చేస్తున్న అతడ్ని చూసి పక్కనే ఉన్న టీమిండియా సహచర ఆటగాళ్లు, జపాన్ గ్రౌండ్ స్టాఫ్ ఒక్కసారిగా నవ్వులు పూయించారు.
వర్షం పడితే మ్యాచ్ ఆగిపోయే ఛాన్స్:
వర్షం కారణంగా మ్యాచ్ జరగకపోవడంతో నిరాశలో ఉన్న అభిమానులకు సంజు శాంసన్ ఫన్నీ యాంటిక్స్ ఫుల్ ఎంటర్టైన్మెంట్ను అందించాయి. సంజు కుర్చీ ఎత్తిన ఫోటోలు, వీడియోలు క్షణాల్లో ఎక్స్ (ట్విట్టర్), ఇన్స్టాగ్రామ్లలో వైరల్గా మారాయి. ఈ సందర్భంగా నెటిజన్స్.. వర్షం పడి మ్యాచ్ ఆగిపోవచ్చు.. కానీ సంజు ఇచ్చే ఎంటర్టైన్మెంట్ మాత్రం ఆగదంటూ మీమ్స్ హోరెత్తిస్తున్నారు.
ALSO READ : ధోనీ కొనసాగుతాడా? రిటైర్ అవుతాడా?..
చారిత్రాత్మక సమరం పైనే దృష్టి:
ఆసియా గేమ్స్ 2026 ప్రిపరేషన్లో భాగంగా జరుగుతున్న ఈ సుజుకి కప్ టీ20 మ్యాచ్, పురుషుల అంతర్జాతీయ క్రికెట్లో భారత్ వర్సెస్ జపాన్ తలపడుతున్న తొలి మ్యాచ్ కావడం విశేషం. మైదానంలో తడి ఆరబెట్టేందుకు సిబ్బంది శ్రమిస్తుండగా, అంపైర్ల రీ-ఇన్స్పెక్షన్ అనంతరం మ్యాచ్ ఫలితంపై స్పష్టత రానుంది.
