- ముందుగా నైన్త్‌, టెన్త్‌స్టూడెంట్స్ కు క్లాసులు
- తర్వాత పరిస్థితిని బట్టి అప్పర్ ప్రైమరీ, ప్రైమరీ తరగతులు
- వచ్చే నెల 2 నుంచి స్కూళ్లు!
రాష్ట్రంలో స్కూళ్లన్నింటినీ రీఓపెన్ చేసేందుకు ఎడ్యుకేషన్ డిపార్ట్మెంట్ రెడీ అవుతోంది. ఈ నెల 15 తర్వాతి నుంచి బడులు ప్రారంభించుకోవచ్చని కేంద్రం సూచించడం, ఈ అంశంలో నిర్ణయం తీసుకునే స్వేచ్ఛను రాష్ట్రాలకే ఇవ్వడంతో.. మన దగ్గర ఎప్పుడు మొదలుపెట్టాలనే దానిపై దృష్టి పెట్టింది. ఈ నెలాఖరులో బతుకమ్మ దసరా పండుగలు ఉండటంతో.. వచ్చే నెల ప్రారంభంలో స్కూళ్లు ఓపెన్ చేయాలని ప్రాథమికంగా నిర్ణయించింది. మొదట హైస్కూల్ క్లాసులు స్టార్ట్ చేయాలని, తర్వాత పరిస్థితిని బట్టి అప్పర్ ప్రైమరీ, ప్రైమరీ క్లాసులను మొదలుపెట్టాలని భావిస్తోంది.
హైదరాబాద్, వెలుగు: రాష్ట్రంలో వచ్చే నెల 2 నుంచి స్కూళ్లు ఓపెన్ కానున్నాయి. తెలంగాణలో మొత్తం 40 వేలకు పైగా స్కూళ్లుఉండగా.. 58 లక్షల మంది స్టూడెంట్లు చదువుతున్నారు. కరోనా ఎఫెక్ట్తో మార్చిలోనే స్కూళ్లన్నీ మూతపడ్డాయి. సాధారణంగా వేసవి తర్వాత జూన్ రెండో వారంలో స్కూళ్లు రీఓపెన్ కావాలి. కానీ ఆరు నెలలు దాటినా కరోనా ఎఫెక్ట్ ఉండటంతో మూసే ఉంచారు. స్టూడెంట్లు నష్టపోవద్దనే ఉద్దేశంతో కేంద్రం ఆన్లైన్ క్లాసులను అనుమతించింది. రాష్ట్రంలో సెప్టెంబర్ 1 నుంచి దూరదర్శన్, టీశాట్ ద్వారా డిజిటల్, ఆన్లైన్ క్లాసులు మొదలుపెట్టారు. అయితే అన్లాక్ 4 గైడ్ లైన్స్ ప్రకారం.. తొమ్మిదో తరగతి నుంచి 12వ తరగతి వరకు స్టూడెంట్స్ డౌట్స్ క్లారిఫై కోసం బడులకు వచ్చేందుకు, సగం మంది టీచర్లు బడులకు హాజరయ్యేందుకు కేంద్రం అనుమతించింది. కానీ రాష్ట్రంలో మాత్రం 50 శాతం టీచర్ల రూల్ మాత్రమే అమలు చేస్తున్నారు. కరోనా కేసులు ఇంకా పెరుగుతుండటంతో స్టూడెంట్స్బడులకు వచ్చేందుకు అవకాశం ఇవ్వలేదు. తాజాగా అన్లాక్ 5 గైడ్ లైన్స్ రిలీజ్ చేసిన కేంద్రం.. ఈ నెల 15 తర్వాత స్కూళ్లు ప్రారంభించుకోవచ్చని పేర్కొంది.
పండుగలు దాటాకే..
బడుల రీఓపెన్కు కేంద్రం పర్మిషన్ ఇచ్చినా.. రాష్ట్రంలో ఆ తేదీన ప్రారంభించేందుకు ఎడ్యుకేషన్ డిపార్ట్మెంట్రెడీగా లేదని తెలుస్తోంది. ఈ నెల16 నుంచి బతుకమ్మ పండుగ ప్రారంభం అవుతుండగా..24న సద్దుల బతుకమ్మ, 25న దసరా పండుగ ఉంది. దీంతో స్టూడెంట్లను బడులకు రప్పించే అవకాశం లేదని అధికారులు అంటున్నారు. వచ్చే నెల ఒకటో తేదీన ఆదివారం ఉండటంతో.. ఆ మరునాటి (2వ తేదీ) నుంచి స్కూళ్లు ప్రారంభించాలని, అప్పటి వరకు బడుల్లో అన్ని ఏర్పాట్లు చేసుకోవాలని భావిస్తున్నారు. ఇదే విషయాన్ని ప్రభుత్వానికి చెప్పనున్నట్టు సమాచారం. అయితే మొదట 9, 10 తరగతుల స్టూడెంట్లకు క్లాసులు ప్రారంభించాలని.. కొద్దిరోజుల తర్వాత అప్పర్ ప్రైమరీ, ప్రైమరీ క్లాసులు స్టార్ట్ చేయాలని నిర్ణయించినట్టు తెలిసింది.
