లండన్: ప్రపంచాన్ని వణికించిన కరోనాను మించిన మరో వైరస్ రాబోతున్నదని శాస్త్రవేత్తలు హెచ్చరించారు. కరోనా ప్రభావం తగ్గినప్పటికీ.. అంతకుమించిన ప్రమాదం ముందుందని అలెర్ట్ చేస్తున్నారు. స్కై న్యూస్ నివేదిక ప్రకారం.. జంతువులనుంచి మానవులకు వ్యాప్తి చెందే మరో మహమ్మారి ప్రబలే అవకాశం ఉన్నదని యూకేకు చెందిన అంటువ్యాధుల నిపుణులు చెబుతున్నారు.
ఏ సమయంలోనైన మరో మహమ్మారి పుట్టుకు రావొచ్చని హెచ్చరిస్తున్నారు. ప్రజలు అప్రమత్తంగా ఉండాలని.. ఏది జరిగినా ఎదుర్కొనేందుకు సిద్ధంగా ఉండాలని , అవసరమైతే త్యాగాలు చేయాల్సి ఉంటుందని చెబుతున్నారు. గ్లోబల్ వార్మింగ్, అటవీ నిర్మూలన వల్ల వైరస్ లు లేదా బ్యాక్టీరియా జంతువుల నుంచి మనుషులకు వ్యాపించే ప్రమాదం పొంచి ఉన్నదని శాస్త్రవేత్తలు చెబుతున్నారు.
