బషీర్బాగ్, వెలుగు: బషీర్‌‌బాగ్‌‌లోని సీసీఎస్ ఆఫీసులో ఐ బొమ్మ నిర్వాహకుడు ఇమ్మడి రవి రెండో రోజు కస్టడీ విచారణ పూర్తయ్యింది. సుమారు 6 గంటలపాటు రవిని సైబర్ క్రైమ్ పోలీసులు ప్రశ్నించారు. రవి నెట్‌‌వర్క్ , ఆర్థిక లావాదేవీలు, ఐపీ మాస్కింగ్ విధానాలపై వివరాలు సేకరించినట్లు తెలిసింది.
విదేశీ సర్వర్ల వినియోగం, యాడ్ బుల్ యాప్ నిర్వహణ గురించి ఆరా తీశారు. అనధికార వెబ్సైట్ల నిర్వహణ, పైరసీ వీడియోలు అప్లోడ్ చేసే టీమ్‌‌లు, వారి పాత్రపై కూడా పోలీసులు కూపీ లాగినట్లు సమాచారం. మొదటి రెండు రోజుల విచారణలోనే సైబర్ క్రైమ్ టీంకు పలు కీలక సమాచారం లభించినట్లు తెలిసింది.
