ఆదిలాబాద్ జిల్లాలో తేలిన అభ్యర్థుల లెక్క..ముగిసిన రెండో విడత నామినేషన్ల విత్ డ్రా

•     రేపటితో ముగియనున్న ఫస్ట్ విడత ప్రచారం
•     ఈనెల 11న మొదటి విడత ఎన్నికలు 

ఆదిలాబాద్/మంచిర్యాల, వెలుగు: పంచాయతీ ఎన్నికల రెండో విడతలో పోటీ చేసే వారు ఖరారయ్యారు. శనివారం విత్​డ్రాల అనంతరం తుది జాబితాను అధికారులు వెల్లడించారు. ఆదిలాబాద్ ​జిల్లాలో మొత్తం 8 మండలాల్లోని 156 గ్రామపంచాయతీలకు 672 మంది సర్పంచ్​అభ్యర్థులుగా పోటీలో నిలిచారు. ఇక 1,260 వార్డులకు 2,540 మంది పోటీ చేస్తున్నారు. మంచిర్యాల జిల్లా బెల్లంపల్లి నియోజకవర్గంలోని ఏడు మండలాల్లో రెండో విడతలో ఎన్నికలు జరుగనున్నాయి. మొత్తం 114 సర్పంచ్​ స్థానాలకు గత నెల 30 నుంచి ఈ నెల 2 వరకు నామినేషన్లు స్వీకరించగా, మొత్తం 758 నామినేషన్లు వచ్చాయి. 

ఈ నెల 6న విత్​ డ్రాల సందర్భంగా 238 మంది అభ్యర్థులు పోటీ నుంచి తప్పుకున్నారు. ఈనెల 9న మూడో విడత నామినేషన్లు ఉప సంహరణ ప్రక్రియ ముగియనుంది. మొదటి విడత పంచాయతీ ఎన్నికలకు సంబంధించి 9న ప్రచారం ముగియనుండగా,  11న ఎన్నికలు జరుగనున్నాయి. 

రెండో విడత ఎన్నికల 14న జరగనున్నాయి. వేమనపల్లి మండలం రాజారం సర్పంచ్​ స్థానాన్ని ఎస్సీలకు రిజర్వ్​ చేయడంతో అభ్యర్థులు లేక నామినేషన్​ దాఖలు కాలేదు. కన్నెపల్లి మండలం ముత్తాపూర్, కాసిపేట మండలం ధర్మారావుపేట సర్పంచ్​ స్థానాలు ఏకగ్రీవమయ్యాయి. నిర్మల్​జిల్లాలోని 131 గ్రామ పంచాయతీలకు 424 మంది అభ్యర్థులు రంగంలో నిలిచారు. 

విత్​డ్రాల అనంతరం రెండో విడత నామినేషన్ల తుది జాబితా

ఆసిఫాబాద్​ జిల్లా

మండలం              జీపీలు    అభ్యర్థులు    వార్డులు    అభ్యర్థులు
బెజ్జూర్                       22            83                 158             446
చింతలమానెపల్లి     19            67                 146             402 
దహెగాం                    24           76                   287             461
కౌటల                         20           85                  156              461
పెంచికల్ పేట్         12            49                  81                220
 సిర్పూర్ (టి)            15             65                109                 392
మొత్తం                     112           425                837                2,294

ఆదిలాబాద్​ జిల్లా..

మండలం    పంచాయతీలు    అభ్యర్థులు    వార్డులు    అభ్యర్థులు 
ఆదిలాబాద్      31                        122                  258          550
మావల              3                          22                     28           81
బేల                   31                        113                  254          517
జైనథ్                17                         90                   144           307
సాత్నాల           17                         62                   130           232
భోరజ్                17                        94                    138           264
తాంసి                14                        74                     112           213 
భీంపూర్             26                        95                    196           376
మొత్తం              156                     672                   1,260        2,540

మంచిర్యాల జిల్లా..

మండలం    పంచాయతీలు    అభ్యర్థులు    వార్డులు    అభ్యర్థులు
బెల్లంపల్లి        17                           52                 156            344
భీమిని             12                            38                 100            209
కన్నెపల్లి         15                            36                 130             259
కాసిపేట          22                            64                 190             349
నెన్నెల          19                             55                 158             346
తాండూర్​       15                             51                 144             320
వేమనపల్లి     14                             40                 118              232
మొత్తం         114                            336                996             2,059