జనగామ అర్బన్, వెలుగు : జిల్లా న్యాయ సేవాధికారి సంస్థ కార్యదర్శి, సీనియర్ సివిల్ జడ్జి సి.విక్రమ్ శనివారం జిల్లా కేంద్రంలోని సబ్జైల్ను సందర్శించి తనిఖీ చేశారు. ఈ సందర్భంగా జైలులో ఉన్న సదుపాయాల గురించి ఖైదీలను అడిగి తెలుసుకున్నారు.
బెయిల్ గ్రాంట్ అయిన ప్రతి ఒక్కరినీ జిల్లా న్యాయ సేవాధికారి సంస్థ దృష్టికి తీసుకురావాలని సబ్జైల్ సూపరింటెండెంట్ ను ఆదేశించారు. ఈ సందర్భంగా ఖైదీలకు చట్టాలపై అవగాహన కల్పించారు. కార్యక్రమంలో సబ్జైల్ సూపరింటెండెంట్ కృష్ణ కాంత్, జైల్ సిబ్బంది, ఖైదీలు పాల్గొన్నారు.
