ఎన్నాళ్లకెన్నాళ్లకు.. అప్పుడెప్పుడో షరపోవా గ్రాండ్ స్లామ్ గెలిచింది. అంతే అప్పటి నుంచి రష్యాకు టైటిల్ లేదు. దాదాపు 12 ఏండ్ల తర్వాత మిరా ఆండ్రీవా రూపంలో టైటిల్ ఆ దేశానికి టైటిల్ దక్కింది.
ఫ్రెంచ్ ఓపెన్లో మహిళల సింగిల్స్ లో రష్యన్ క్రీడాకారిణి, ఎనిమిదో సీడ్.. మిరా ఆండ్రీవా విజేతగా నిలిచారు. పారిస్ వేదికగా శనివారం (2026 జూన్ 06) జరిగిన ఫైనల్ పోరులో పోలెండ్కు చెందిన చ్వాలిన్స్కాపై 6-3, 6-2 తేడాతో విజయం సాధించింది.
►ALSO READ | రాహుల్ క్లాస్, గిల్ మాస్.. తొలి రోజే ఆఫ్ఘన్పై భారత్దే ఆధిపత్యం
ప్రత్యర్థికి ఏ మాత్రం అవకాశం ఇవ్వకుండా.. రెండు వరుస సెట్లలో ఆండ్రీవా ఆధిక్యం ప్రదర్శించింది. ఈ గెలుపుతో ఫ్రెంచ్ ఓపెన్ సాధించిన రెండో చిన్న వయస్కురాలిగా (19 ఏండ్లు) ఆండ్రీవా నిలిచింది. అంతకు ముందు ఈ రికార్డు 1992 లో 18 ఏళ్ల వయసులో టైటిల్ సాధించిన మోనికా సెలెస్ పైన ఉంది.
2014లో మరియా షరపోవా తర్వాత.. ఫ్రెంచ్ ఓపెన్ నెగ్గిన రష్యా అమ్మాయిగా ఆండ్రీవా రికార్డ్ సృష్టించింది. ఆమెకు ఇది కెరీర్లో తొలి గ్రాండ్స్లామ్ టైటిల్.
