ముంబై: టీమిండియా స్టార్ ఆల్ రౌండర్ శార్దుల్ ఠాకూర్ను ముంబై ఇండియన్స్ కొనుగోలు చేసింది. వేలానికి ముందే ట్రేడ్ డీల్లో భాగంగా లక్నో సూపర్ జెయింట్స్ నుంచి రూ.2 కోట్లకు దక్కించుకుంది. దీంతో ముంబైకి చెందిన ఈ ఆల్ రౌండర్ తిరిగి తన హోమ్ టీమ్ తరుఫున బరిలోకి దిగనున్నాడు. ఈ మేరకు గురువారం (నవంబర్ 13) ఐపీఎల్ ఒక ప్రకటన చేసింది. లక్నో సూపర్ జెయింట్స్ ఆల్ రౌండర్ శార్దూల్ ఠాకూర్ వచ్చే సీజన్లో ముంబై ఇండియన్స్కు ప్రాతినిధ్యం వహించడానికి సిద్ధంగా ఉన్నాడని తెలిపింది. ఈ మేరకు ముంబై, లక్నో జట్ల మధ్య ట్రేడ్ డీల్ కుదిరిందని వెల్లడించింది.
కాగా, గతేడాది జరిగిన మెగా వేలంలో భారత ఆల్‌రౌండర్ శార్దూల్ ఠాకూర్ను ఏ ఫ్రాంచైజ్ కొనుగోలు చేయలేదు. దీంతో అన్ సోల్డ్ ప్లేయర్గా మిగిలిపోయాడు. అయితే.. లక్నో బౌలర్ మొహ్సిన్ ఖాన్ గాయపడటంతో అతని స్థానంలో రూ.2 కోట్లకు శార్దూల్‌ను లక్నో జట్టులోకి తీసుకుంది. లక్నో తరుఫున10 మ్యాచ్‌లు ఆడిన శార్దూల్ 13 వికెట్లు తీశాడు.
►ALSO READ | RCB నుంచి ఐదుగురు ఔట్.. స్టార్ పేసర్కు కూడా డిఫెండింగ్ ఛాంపియన్ గుడ్ బై..?
బ్యాటింగ్లో కూడా రాణించాడు. కానీ.. వచ్చే సీజన్ కోసం లక్నో ఒక ప్రీమియర్ ఓవర్సీస్ ఆల్ రౌండర్ కోసం వెతుకుతోంది. ఇందులో భాగంగానే శార్ధుల్ను ముంబైకు అమ్మేసింది. మొదట అర్జున్ టెండూల్కర్‌ను లక్నోకు ఇచ్చి.. ముంబై శార్దూల్‌ను తీసుకుంటుందని ప్రచారం జరిగింది. కానీ, ముంబై ప్లేయర్ టూ ప్లేయర్ ట్రేడ్ కాకుండా క్యాష్ ట్రేడ్‌‌‌కు మొగ్గు చూపింది.
