అరవింద్ కేజ్రీవాల్‌కు సుప్రీం కోర్టులో ఎదురుదెబ్బ తగిలింది. వైద్య కారణాలతో తన మధ్యంతర బెయిల్ పిటిషన్ను ఏడు రోజుల పాటు పొడిగించాలని ఢిల్లీ ముఖ్యమంత్రి వేసిన పిటిషన్ను అత్యవసర విచారణకు అనుమతించేందుకు సుప్రీంకోర్టు మంగళవారం నిరాకరించింది. ప్రధాన కేసులో తీర్పు రిజర్వ్‌లో ఉన్నందున మధ్యంతర బెయిల్ పొడిగింపు కోసం సీఎం కేజ్రీవాల్ చేసిన పిటిషన్ జాబితా చేయడంపై భారత ప్రధాన న్యాయమూర్తి తగిన నిర్ణయం తీసుకుంటారని సుప్రీంకోర్టు వెకేషన్ బెంచ్ తెలిపింది.
తీవ్రమైన అనారోగ్యంతో బాధపడుతున్నట్లు పిటిషన్‌లో తెలిపారు అరవింద్.తాను 7 కిలోల బరువు తగ్గినట్లు చెప్పారు. కీటోన్‌ స్థాయిలు పెరిగాయని.. అందుకే తాను పీఈటీ-సీటీ స్కాన్‌ సహా పలు పరీక్షలు చేయించుకోవాల్సి ఉందన్నారు. పరీక్షలు చేయించుకునేందుకు వీలుగా తన మధ్యంతర బెయిల్ గడువును మరో 7 రోజులు పొడిగించాలని సుప్రీంను కోరారు
మే 10న జైలు నుంచి విడుదలైన తర్వాత, ప్రస్తుతం జరుగుతున్న లోక్‌సభ ఎన్నికల కోసం కేజ్రీవాల్ ఇండియా బ్లాక్ కోసం ప్రచారంలో పాల్గొంటున్నారు. బెయిల్ జూన్ 1 వరకు వర్తిస్తుంది మరియు ఢిల్లీ సీఎం జూన్ 2న అధికారులకు లొంగిపోవాల్సి ఉంటుంది.
