జపాన్‌లో జరిగిన పరిశోధనలో ఓ దిగ్భ్రాంతికరమైన విషయం వెల్లడైంది. జపనీస్ మహిళల్లో 40 శాతానికి పైగా ఎప్పటికీ తల్లులు కాలేరట. జపాన్‌కు చెందిన నిక్కీ వార్తాపత్రిక రాబోయే ప్రభుత్వ పరిశోధన అంచనాను ఉటంకిస్తూ ఒక నివేదికను ప్రచురించింది. దీని ప్రకారం, 42 శాతం మంది వయోజన జపనీస్ మహిళలు తమ జీవితకాలంలో పిల్లలను కనలేరు. ఈ నివేదికలు జపాన్ సామాజిక భద్రతా కార్యక్రమం భవిష్యత్తుకు ముప్పు కలిగించవచ్చు.
జపాన్ నేషనల్ ఇన్స్టిట్యూట్ ఆఫ్ పాపులేషన్ అండ్ సోషల్ సెక్యూరిటీ రీసెర్చ్ అంచనా ప్రకారం 2005లో జన్మించిన 33.4 శాతం మంది మహిళలు మోడరేట్ సినారియోలో పిల్లలను కనలేరు. ఆప్టిమిస్టిక్ కేసులో కూడా ఈ రేటు 24.6 శాతం మాత్రమే ఉంటుంది.
వివాహం పట్ల అనిశ్చితి
మరోవైపు, నిక్కీ పరిశోధన అంచనాల ప్రకారం స్త్రీల కంటే పురుషులు వివాహం చేసుకోకుండా ఉండటానికి ఎక్కువ అవకాశం ఉంది. అలాగే, 18 ఏళ్లలో సగం కంటే ఎక్కువ మందికి పిల్లలు పుట్టరు. భవిష్యత్తు గురించి అనిశ్చితి, స్థిరమైన జీతాలు వంటి అంశాలు యువత వివాహం చేసుకోవాలనే నిర్ణయాన్ని ప్రభావితం చేస్తాయని ఈ పరిశోధనలో తేలింది.
అమెరికా & ఐరోపాలోనూ..
యూఎస్, యూరప్ వంటి ఆర్థిక వ్యవస్థలు ఇటువంటి ధోరణులనే చూస్తున్నాయి. ఇది మరింత పెరిగే అవకాశం ఉంది. అందుకే ఇక్కడి ప్రజలు పిల్లలను కోరుకోరు. ఒక నివేదిక ప్రకారం, పాశ్చాత్య దేశాలలో, 1970లలో జన్మించిన స్త్రీలలో దాదాపు 10 నుంచి 20 శాతం మందికి పిల్లలు పుట్టలేదు. జపాన్‌లో ఈ సంఖ్య కాస్త ఎక్కువగా అంటే 27 శాతంగా ఉంది. అదే సమయంలో, యునైటెడ్ కింగ్‌డమ్, జర్మనీ వంటి దేశాలలో ఈ ధోరణి కొంచెం తక్కువగా ఉంది. ఎందుకంటే ఇక్కడ కనీసం ఒక బిడ్డను కనాలనే రూల్ ఉంది.
