తెలంగాణ రాష్ట్రంలో బుధవారం (డిసెంబర్ 27న) సింగరేణి సంస్థలో నిర్వహించిన ఎన్నికలు ప్రశాంతంగా ముగిశాయి. గుర్తింపు కార్మిక సంఘం ఎన్నికల కౌంటింగ్ కాసేపట్లో ప్రారంభంకానుంది. బుధవారం రాత్రే ఫలితాలను కూడా అధికారులు వెల్లడించనున్నారు. బుధవారం సాయంత్రం 4 గంటల వరకు 90 శాతం పోలింగ్ నమోదైందని అధికారులు చెప్పారు.
* తక్కువ ఓట్లు (618 ఓట్లు) ఉన్న ఇల్లందు ప్రాంతం నుంచే తొలి ఫలితం వెల్లడికానుంది. ఇక చివరగా 9 వేలకు పైగా ఓటర్లు ఉన్న శ్రీరాంపూర్ డివిజన్ నుంచి ఫలితం రానుంది.
* 6 జిల్లాల పరిధిలో 11 ప్రాంతాల్లో 84 పోలింగ్ కేంద్రాల్లో ఎన్నికలు జరిగాయి.
* అధికార కాంగ్రెస్ పార్టీ అనుబంధ సంస్థ INTUC, AITUC, CITU, BMS తో పాటు 13 సంఘాలు ఎన్నికల బరిలో ఉన్నాయి.
* అధికార గుర్తింపు సంఘంగా విజేత ఎవరు కాబోతున్నారనే దానిపై సర్వత్రా ఉత్కంఠ నెలకొంది.
