లగేజ్ బ్యాగ్ని మెట్ల మీద నుంచి పై ఫ్లోర్కి తీసుకెళ్లడం, కూల్డ్రింక్ సీసా మూత తెరవడం, కార్టన్ పార్శిల్ ఓపెన్ చేయడం లాంటివి అనుకోవడానికి చిన్న పనులే.. కానీ, వాటికి తగ్గ టూల్స్ లేకపోతే విసుగు తెప్పిస్తాయి. అందుకే ఇంట్లో కొన్ని స్మార్ట్ టూల్స్ తెచ్చుకోవాలి. అవేంటంటే..
వ్యాలెట్ నింజా
ఈ టూల్ చూడడానికి క్రెడిట్ కార్డ్ సైజులో ఉంటుంది. కానీ, ఇది చాలా రకాల పనులు చేస్తుంది. ఇది వ్యాలెట్లో ఉంటే కనుక మొత్తం 18 టూల్స్ మన దగ్గర ఉన్నట్టే. ఈ స్పైడర్ జ్యూస్ క్రియేటివ్ వ్యాలెట్ నింజా మల్టీ-టూల్లో ఆరు రెంచ్‌‌లు, నాలుగు స్క్రూ డ్రైవర్లు, రెండు రూలర్లు ఉంటాయి. దీనిని సెల్‌‌ఫోన్ స్టాండ్గా కూడా వాడుకోవచ్చు. బాటిల్ క్యాప్ ఓపెన్ చేయొచ్చు. కార్టన్ బాక్స్, లెటర్ ఓపెనర్గా కూడా పనిచేస్తుంది. ఇందులో ఇన్బిల్ట్గా ఫ్రూట్ పీలర్ కూడా ఉంటుంది. కళ్లద్దాలకు ఉండే చిన్న స్క్రూలను కూడా దీంతో ఓపెన్ చేయొచ్చు. ధర: 130 రూపాయలు.
పెన్ స్క్రూ డ్రైవర్
కొన్ని ఎలక్ట్రానిక్ గాడ్జెట్స్ని ఇంట్లోనే రిపేర్ చేసుకోవచ్చు. కానీ.. వాటిని ఓపెన్ చేయడమే కాస్త ఇబ్బంది. ఒక్కో గాడ్జెట్కు ఒక్కో సైజు స్క్రూలు ఉంటాయి. అలాంటప్పుడు ఈ పెన్ కొంటే సరిపోతుంది. పెన్తో స్క్రూలు ఓపెన్ చేయడమేంటి అంటారా?.. ఇది పెన్నులా ఉండే స్క్రూ డ్రైవర్ కిట్. జాక్మీ కంపెనీ దీన్ని మార్కెట్లోకి తీసుకొచ్చింది. దీన్ని యాంటిస్లిప్, కాంపాక్ట్ పోర్టబుల్ డిజైన్తో తయారుచేశారు. ఇందులో ఫిలిప్స్1.0, 4.0 బిట్లు, స్లాట్డ్ 2.0, 3.0 బిట్లు ఉంటాయి. వీటిని క్రోమియం, వెనీడియం ఉక్కుతో తయారుచేశారు. అందుకని ఎక్కువరోజులు పాడుకావు. తుప్పు కూడా పట్టదు. డీఐవై వస్తువులు, స్మాల్ హోమ్ అప్లయెన్సెస్, అద్దాలు, వాచీలు, ఎలక్ట్రానిక్స్ లాంటివాటిని రిపేర్ చేయడానికి ఉపయోగపడుతుంది. ధర: 299 రూపాయలు
అప్కార్ట్
ఇల్లు మారేటప్పుడు ఎదురయ్యే పెద్ద ప్రాబ్లమ్.. సామాన్లను మోసుకెళ్లడమే. లిఫ్ట్ లేని బిల్డింగ్లో పై అంతస్తుకి మారడమంటే ఇంకా పెద్ద ప్రాబ్లమ్. ప్రతి వస్తువుని మెట్ల మీద నుంచి జాగ్రత్తగా తీసుకెళ్లాలి. పైగా బరువులు మోస్తూ.. మెట్లు ఎక్కడం అంత ఈజీ కాదు. అయితే.. ఇలాంటి పనులను ఈజీగా చేయడానికి అప్కార్ట్ అనే కంపెనీ హ్యాండ్ ట్రక్ని మార్కెట్లోకి తెచ్చింది. దీనిపై వస్తువులను పెట్టి మెట్ల మీది నుంచి లాక్కెళ్లొచ్చు. దీనికి రెండు వైపులా మూడు చక్రాలు ఉంటాయి. ఫర్నిచర్, వాషింగ్ మెషిన్, చిన్న సైజ్ ఫ్రిజ్, కూలర్ లాంటివాటిని దీనిపై ఈజీగా తీసుకెళ్లొచ్చు. తేలికైన అల్యూమినియం ఫ్రేమ్తో తయారైంది ఇది. కాబట్టి బరువు కూడా తక్కువే. ఇది మామూలుగా మోసుకెళ్లడంతో పోలిస్తే.. 64 శాతం శ్రమను తగ్గిస్తుంది. ధర: 6,000 రూపాయలు
ఐ ఫోన్ ప్రింట్ పాకెట్
ఇదివరకు ఫొటో తీయగానే ప్రింట్ బయటికి వచ్చే ఇన్స్టంట్ పొలరాయిడ్ కెమెరాలను బాగా వాడేవాళ్లు. అదే టెక్నాలజీతో ఇప్పుడు ప్రింట్ పాకెట్ మార్కెట్లోకి వచ్చింది. కాకపోతే.. ఇది కెమెరా కాదు. ఐ ఫోన్కు కనెక్ట్ చేస్తే.. ఇన్స్టంట్ కెమెరాగా మారిపోతుంది. దీన్ని మొబైల్కి కనెక్ట్ చేసుకుని ఫొటోలు ప్రింట్ తీసుకోవచ్చు. ఒక్కమాటలో చెప్పాలంటే ఇది ప్రింట్ క్యాట్రిడ్జ్‌‌లా పనిచేస్తుంది. 30 సెకన్లలోనే ఫొటోను ప్రింట్ చేస్తుంది. ఇందులో ఇంక్ ఫిల్ చేయాల్సిన అవసరం కూడా లేదు. జీరో ఇంక్ స్టిక్కర్ పేపర్ మీద ప్రింట్ తీసుకోవచ్చు. ధర: 18,000 రూపాయలు
