ఇది ప్రపంచంలోనే అత్యంత చిన్న విమానం. 13 అడుగుల పొడవు, 4 అడుగుల వెడల్పు, 81 కిలోల బరువు ఉంటుంది అంతే. ‘రెక్కల బబుల్ కార్’ అని ముద్దుగా పిలుస్తున్న ఈ విమానం అసలు పేరు కొలంబన్ జెట్ క్రి క్రి. విమానం కన్నా దీని రెక్కలే పెద్దగా ఉంటాయి. వాటి వెడల్పు 17 అడుగులు. రెండు పీబీఎస్ టీజే20ఏ టర్బోజెట్ ఇంజన్లతో ఇది గాల్లోకి ఎగురుతుంది. 5000 అడుగుల ఎత్తు వరకు ఎగురుతుంది. గంటకు 225 కిలోమీటర్ల వేగంతో దూసుకెళుతుంది. ఒక్కరంటే ఒక్కరే పట్టే ఈ బుల్లి విమానాన్ని బోయింగ్ 747 వంటి పెద్ద పెద్ద విమానాలను 50 ఏళ్ల పాటు అలవోకగా నడిపిన బ్రిటన్ రిటైర్డ్ పైలట్ బాబ్ గ్రిమ్స్టెడ్ (70) నడిపారు. దాంతో స్టంట్లు చేశారు. దక్షిణాఫ్రికా ఇంజనీర్లు సాకీ వాన్ హీర్దెన్, డేవీ బోట్స్లు తయారు చేసిన ఈ విమానం ధర జస్ట్ 14.45 లక్షలు (21 వేల డాలర్లు).
పెద్ద ఎలక్ట్రిక్ బండి.. చెత్త డంప్ చేస్తదండి!
ఇది ప్రపంచంలోనే అతిపెద్ద ఎలక్ట్రిక్ వాహనం. అదేనండి.. కరెంట్ బండి. చెత్త, క్వారీ మట్టి, రాళ్లను డంప్ చేసే ‘ఈడంపర్’ ఇది. ఫుల్లు లోడ్ ఉన్నప్పుడు 110 టన్నుల (లక్షా పది వేల కిలోల) బరువుంటుంది. మరి, అంతపెద్ద బండిని లాగాలంటే దాని బ్యాటరీలు కూడా అంత శక్తిమంతంగానే ఉండాలి కదా. అందుకే 4.5 టన్నుల ఎలక్ట్రిక్ బ్యాటరీలను అందులో పెట్టారు. స్విట్జర్లాండ్లోని బీల్కు చెందిన కుహ్న్ ష్వీజ్ ఏజీ అనే సంస్థ దీన్ని తయారు చేసింది. దాని టైర్లే 6 అడుగుల ఎత్తుంటాయి. అంటే ఓ పొడగరి సైజన్నమాట. దీనిలోని ఇంకో విశేషమేంటో తెలుసా..? బ్రేకులు వేసినప్పుడల్లా కరెంట్ పుడుతుంది. ఆ కరెంట్ బ్యాటరీల్లో నిల్వ అవుతుంది. అంటే బయటి చార్జింగ్తో పాటు ఇలా పునరుత్పాదక కరెంట్తోనూ బ్యాటరీ చార్జ్ అవుతుందన్నమాట. లోడ్ ఎంత ఎక్కువగా ఉంటే అంత ఎక్కువగా కరెంట్ పుడుతుందట. ఏటా 50 వేల టన్నుల డీజిల్ ఆదా చేస్తూ, కార్బన్ డై ఆక్సైడ్ను ఏటా 13 లక్షల కిలోలదాకా తగ్గిస్తుందట.
