సికింద్రాబాద్, వెలుగు: కొన్ని ప్రాంతాల్లో రైళ్ల జాప్యానికి గల కారణాలను గుర్తించి, సరిదిద్దేందుకు చర్యలు చేపట్టాలని దక్షిణ మధ్య రైల్వే జీఎం అరుణ్కుమార్జైన్ అధికారులను ఆదేశించారు. రైళ్ల సగటు వేగాన్ని పెంచేందుకు అవసరమైన చర్యలు తీసుకోవాలని సూచించారు. సోమవారం ఆయన దక్షిణ మధ్య రైల్వే జోన్ పరిధిలో రైళ్ల భద్రత, సమయపాలనపై తీసుకోవాల్సిన చర్యలపై ఉన్నతాధికారులతో వీడియో కాన్ఫరెన్స్ద్వారా సమీక్ష నిర్వహించారు.
లోకో పైలట్లు, అసిస్టెంట్ లోకో పైలట్లు, స్టేషన్ మాస్టర్లు, పర్మినెంట్ వే మెయింటెనెన్స్ సిబ్బంది, రన్నింగ్ సిబ్బందికి క్రమం తప్పకుండా భద్రతపై అవగాహన కల్పించాలని సూచించారు. మెయిల్, ఎక్స్ప్రెస్ రైళ్ల సమయపాలనను మెరుగుపరచాలని చెప్పారు. సమీక్షలో సికింద్రాబాద్, హైదరాబాద్, విజయవాడ, గుంతకల్లు, గుంటూరు, నాందేడ్ డివిజనల్ రైల్వే మేనేజర్లు పాల్గొన్నారు.
