సంగారెడ్డి టౌన్, వెలుగు: జాతీయ నూనె గింజల పథకం కింద మొగుడంపల్లి, కోహీర్, నారాయణఖేడ్ మండలాల్లో 2,500 ఎకరాల్లో సోయాబీన్ సాగు చేయడానికి జిల్లా స్థాయి కమిటీలు తీర్మానం చేసినట్లు అడిషనల్కలెక్టర్ చంద్రశేఖర్ తెలిపారు. మంగళవారం సంగారెడ్డి కలెక్టరేట్ లో ఏఎస్పీ సంజీవరావుతో కలిసి వివిధ పథకాలపై అవగాహన కార్యక్రమాన్ని నిర్వహించారు. ఈ సందర్భంగా ఆయన మాట్లాడుతూ.. ఆయిల్సాగు విస్తీర్ణాన్ని పెంచడానికి ఈ ఏడాదికి 25 ఎకరాల చొప్పున లక్ష్యాన్ని నిర్దేశించుకోవాలని అధికారులకు సూచించారు.
డీఏవో శివప్రసాద్ మాట్లాడుతూ.. ఫర్టిలైజర్షాపుల యజమానులు ప్రభుత్వ నిబంధనలకు లోబడి క్రయ విక్రయాలు జరపాలన్నారు. అడిషనల్ ఎస్పీ సంజీవరావు మాట్లాడుతూ డీలర్లు అందరూ ప్రభుత్వం నిర్దేశించిన ధరలకు మాత్రమే అమ్మకాలు కొనసాగించాలన్నారు. నకిలీ విత్తనాలు అమ్మితే క్రిమినల్ కేసులు నమోదు చేస్తామని హెచ్చరించారు.
