మహబూబ్ నగర్ అర్బన్, వెలుగు: పంచాయతీ ఎన్నికలు శాంతియుతంగా జరిగేందుకు పోలీస్అధికారులు విధుల్లో అప్రమత్తంగా ఉండాలని ఎస్పీ జానకి ఆదేశించారు. బుధవారం జిల్లా పోలీస్కార్యాలయంలో జిల్లాస్థాయి అధికారులతో సమీక్ష నిర్వహించారు. పాత గొడవలు, ఘర్షణలకు అవకాశం ఉన్న గ్రామాలను గుర్తించి, అదనపు బందోబస్తు ఏర్పాటు చేయాలన్నారు.
డబ్బు, మద్యం, బహుమతుల పంపిణీపై నిఘా పెట్టాలని, అక్రమ రవాణాను అరికట్టేందుకు ఫ్లయింగ్స్క్వాడ్, స్టాటిక్సర్వైలెన్స్టీంలు సమన్వయంతో పని చేయాలని సూచించారు. ఫిర్యాదులు అందిన వెంటనే కేసులు నమోదు చేయాలని చెప్పారు. నామినేషన్ కేంద్రాల లోపల, బయట సీసీటీవీ పర్యవేక్షణ ఉండాలన్నారు. సోషల్‌ మీడియాలో అసత్య ప్రచారాలు చేసేవారిపై, ఉద్రిక్తతలకు దారి తీసే పోస్టులు పెట్టేవారిపై చర్యలు తీసుకోవాలని పేర్కొన్నారు. ఏఎస్పీ రత్నం, ఏఆర్ఏఎస్పీ సురేశ్కుమార్, డీఎస్పీ వెంకటేశ్వర్లు, ఎలక్షన్ సెల్ డీఎస్పీ గిరిబాబు, ఎస్బీ డీఎస్పీ రమణా రెడ్డి, సీఐలు, ఎస్సైలు పాల్గొన్నారు.
