శ్రీశైలం మల్లన్న ఆలయంలో ఉభయ ఆలయాల హుండీ లెక్కింపు నిర్వహించారు శ్రీ భ్రమరాంబ మల్లికార్జునస్వామి అమ్మవార్ల ఉభయ ఆలయాలు,పరివార దేవాలయాల హుండీ లెక్కింపు నిర్వహించారు.చంద్రవతి కళ్యాణ మండపంలో పకడ్బందీగా ఈ లెక్కింపు నిర్వహించగా శ్రీశైలం మల్లన్న దేవస్థానానికి 3 కోట్ల 87 లక్షల 52 వేల 761 రూపాయల నగదు రాబడిగా లభించిందని ఈవో డి.పెద్దిరాజు తెలిపారు ఈ ఆదాయాన్ని గత 15 రోజులులో శ్రీ స్వామి అమ్మవార్లకు భక్తులు నగదును కానుకల రూపంలో సమర్పించినట్టు ఆలయ అధికారులు వెల్లడించారు.
హుండి లెక్కింపులో నగదుతో పాటు 263 గ్రాముల 900 మిల్లీ గ్రాముల బంగారం అలానే వెండి 9 కేజీల 700 గ్రాములు లభించగా నగదు బంగారుతో పాటు 44 యుఎస్ఏ డాలర్లు,1 ఒమన్ రియాల్,101 ఖత్తార్ రియాల్, 1.75 కువైట్ దినార్,5 యుఏఈ దిర్హమ్స్ 30 సౌది అరేబియా రియాల్స్,20 కెనడా డాలర్లు మొదలైన వివిధ దేశాల విదేశీ కరెన్సీ ఈ లెక్కింపులో లభించాయని ఆలయ ఈవో పెద్దిరాజు తెలిపారు పటిష్టమైన నిఘా నేత్రాల మధ్య దేవస్థానం ఈవో పెద్దిరాజు పర్యవేక్షణలో హుండీ లెక్కింపు జరగగా లెక్కింపులో దేవస్థానం అన్ని విభాగాలకు చెందిన అధికారులు,సిబ్బంది,శివసేవకులు పాల్గొన్నారు.
