కీవ్: ఒకప్పుడు టీవీ షోల్లో కమెడియన్.. ప్రెసిడెంట్గా వేషంవేసి తన మాటలతో జనాలను కడుపుబ్బా నవ్వించేటోడు. అట్లాంటిది ఇప్పుడు దేశానికి ప్రెసిడెంట్అయినంక మాత్రం రియల్ హీరో అనిపించుకుంటుండు. రష్యా ఆర్మీకి ఎదురునిలిచి పోరాడుతున్నడు. యుద్ధం వద్దని, కూర్చుని మాట్లాడుకుందామని పిలుస్తూనే.. తమపై దాడిచేస్తే ఎదురునిలిచి పోరాడతామని ముందే చెప్పిండు. ఇప్పుడు చేతల్లో చూపిస్తున్నడు. తమ దేశాన్ని కాపాడుకుంటమని, రష్యాకు లొంగిపోయేదిలేదని తేల్చిచెప్పిండు. యుద్ధంలో ఏ దేశమూ సాయంగా రాకపోయినా ధైర్యంగా నిలబడ్డడు. రష్యాపై ఆంక్షలు విధించాలంటూ అటు నాటో దేశాలతో పాటు ఇటు ఈయూ దేశాలకు రిక్వెస్ట్ చేస్తున్నడు. తమ భూభాగంలోకి అడుగుపెట్టిన రష్యన్ సైనికులకు చుక్కలు చూపిస్తున్నడు. కీవ్ను కంట్రోల్లోకి తెచ్చుకోవాలన్న రష్యా ఆలోచనను సాగనివ్వట్లేదు. కీవ్ వీధుల్లో తిరుగుతూ తన సైనికులకు తోడుగా నిలుస్తున్నడు. రష్యా ఫస్ట్ టార్గెట్తనే అని తెలిసినా వెన్నుచూపట్లే.. కీవ్నుంచి జాగ్రత్తగా బయటకు తీసుకొస్తమంటూ అమెరికా ముందుకొచ్చినా వద్దన్నడు. పారిపోయి ప్రాణాలు దక్కించుకోవాలన్న ఆశ తనకులేదని తేల్చిచెప్పిండు. రష్యా సైనికులకు తమ వీపు ఎన్నటికీ కనిపించదని జెలెన్స్కీ స్పష్టం చేసిండు. రష్యన్లను ఎదుర్కోవడానికి ముందుకు రావాలంటూ జెలెన్స్కీ ఇచ్చిన పిలుపును అందుకుని ఉక్రెయిన్ పౌరులు తుపాకులు చేతబట్టిన్రు. విదేశాల్లో ఉన్న ఉక్రెయిన్లు కూడా చాలామంది తిరిగొస్తున్నరు. ఈ యుద్ధంలో ఓడిపోతమని తెలిసీ ఫైట్ చేస్తున్నరు. దేశంలోని అన్నిటినీ, అందరినీ జెలెన్స్కీ కలుపుకుపోతున్నడు. దేశం కోసం ఫైట్ చేస్తామన్న ఖైదీలకూ ఆయుధాలు, ట్రైనింగ్ ఇస్తున్నడు. తాజాగా, మంగళవారం వీడియో కాల్ ద్వారా జెలెన్స్కీ ఈయూ పార్లమెంట్లో మాట్లాడిండు. ఫ్రీడం కోసం, దేశం కోసం తాము పోరాడుతున్నామన్నారు. తాము ఉక్రెయినీయులమని, శక్తిమంతులమని, తమనెవ్వరూ విడదీయలేరని చెప్పారు. మీరంతా మాకు అండగా నిలబడాలె.. మీతోడు లేటే ఉక్రెయిన్ ఒంటరైపోతుంది. ఈ యుద్ధ పరిస్థితుల్లో మమ్మల్నిలా వదిలేయబోమని నమ్మకం కలిగించండి.. అంటూ జెలెన్స్కీ ఎమోషనల్గా మాట్లాడారు. ఆ వెంటనే సభ్యులంతా లేచి ఆయన్ను అభినందిస్తూ చప్పట్లు కొట్టారు.