- ప్రతిఒక్కరూ బాధ్యతగా ఓటేయాలి
- రాష్ట్ర సీఈఓ వికాస్ రాజ్
- సీఈఓ, డీజీపీ ఇండ్లకు వెళ్లి ఓటరు స్లిప్పులు అందజేసిన జీహెచ్ఎంసీ కమిషనర్
హైదరాబాద్, వెలుగు : మే13న ప్రతిఒక్కరూ ఓటు హక్కును వినియోగించుకోవాలని, ఓటు వేయడం బాధ్యతగా తీసుకోవాలని రాష్ట్ర సీఈఓ వికాస్ రాజ్ సూచించారు. జీహెచ్ఎంసీ కమిషనర్ రోనాల్డ్రోస్శనివారం ఉదయం ఎస్ఆర్ నగర్ లోని సీఈఓ వికాజ్రాజ్ ఇంటికి వెళ్లి ఓటరు ఇన్ఫర్మేషన్ స్లిప్, పోలింగ్ తేదీతోపాటు ఓటరుగా గర్వ పడుతున్నాను అని ఉన్న స్టిక్కర్ ను అందజేశారు. ఈ సందర్భంగా సీఈఓ వికాస్ రాజ్ మాట్లాడుతూ ఎలాంటి ప్రలోభాలకు లొంగకుండా నిర్భయంగా ఓటు వేయాలన్నారు.
దేశ భవిష్యత్తుకు ఓటు ఒక ఆయుధం లాంటిదని, మే13న జరిగే ఓటింగ్ను ప్రజాస్వామ్య పండుగగా భావించాలని చెప్పారు. ఎపిక్ కార్డు ఉంటే సరిపోదని, ఓటరు లిస్టులో పేరు ఉందో.. లేదో సరి చూసుకోవాలన్నారు. ఈ సందర్భంగా కమిషనర్ రోనాల్డ్రోస్ఇంటింటికీ ఓటర్ స్లీప్, స్టిక్కర్ పంపిణీ కార్యక్రమాల వివరాలను సీఈఓకు వివరించారు. అసెంబ్లీ ఎన్నికల కంటే ఈసారి ఎక్కువ స్లిప్పులు పంపిణీ చేయనున్నట్లు కమిషనర్ తెలిపారు. అంతకు ముందు అధికారులతో కలిసి కమిషనర్ రోనాల్డ్రోస్ డీజీపీ రవిగుప్తా ఇంటికి వెళ్లి ఓటర్ స్లిప్, స్టిక్కర్ అందజేశారు.
ఈ సందర్భంగా డీజీపీ మాట్లాడుతూ.. పోలింగ్కు అన్ని పటిష్ట భద్రత ఏర్పాటు చేస్తున్నట్లు తెలిపారు. ధైర్యంగా ఓటు హక్కును వినియోగించుకోవాలని పిలుపునిచ్చారు. కమిషనర్ వెంట ఖైరతాబాద్ జోనల్ కమిషనర్ బి.హేమంత్ సహదేవ్ రావు, జూబ్లీహిల్స్, బేగంపేట డిప్యూటీ కమిషనర్లు ప్రశాంతి, సమ్మయ్య తదితరులు పాల్గొన్నారు.
