నాగర్కర్నూల్, వెలుగు: కాంగ్రెస్ పార్టీని బలోపేతం చేయడానికి కష్టపడ్డ వారిని కాదని, కొత్తగా వచ్చిన వారికి టికెట్ ఇస్తే తప్పుడు సంకేతాలు వెళ్తాయని కాంగ్రెస్ నాయకుడు, ఐక్యతా ఫౌండేషన్ చైర్మన్ సుంకిరెడ్డి రాఘవేందర్రెడ్డి పేర్కొన్నారు. శుక్రవారం వెల్డండ మండల కేంద్రంలో ముఖ్యనేతలు, కార్యకర్తలతో సమావేశం నిర్వహించారు.
ఈ సందర్భంగా ఆయన మాట్లాడుతూ కల్వకుర్తిని అన్నిరంగాల్లో అభివృద్ది చేయాలనే ఉద్దేశంతో ఐక్యతా ఫౌండేషన్ ఏర్పాటు చేసి ఆర్థికసాయం అందించడంతో పాటు కాంగ్రెస్ అభిమానులను ఒక తాటిపైకి తెచ్చామన్నారు. కార్యకర్తలు, అభిమానుల నిర్ణయమే అంతిమమని, పార్టీ టికెట్ ఇస్తే పోటీ చేస్తానని, కార్యకర్తలు, అభిమానులు ఆదేశిస్తే అందుకు కట్టుబడి పోటీలో ఉంటానని చెప్పారు.
