ప్రతి ఇంట్లో ఉపయోగించని వస్తువులు.. లేదా ఏడాదికొక్కసారి ఉపయోగించే వస్తువులు భద్రపర్చుకొనేందుకు సన్ షైడ్స్ ( అటకలు) కట్టుకుంటారు. ఇల్లు మొత్తం వాస్తు ప్రకారం నిర్మించి.. ఇవి ఎక్కడ పడితే ఎక్కడ ఉంటే ఇబ్బందులు వస్తాయని వాస్తు కన్సల్టెంట్ కాశీనాథుని శ్రీనివాస్ అంటున్నారు. ఇంట్లో అటకలు ఏ దిక్కులో ఉండాలి.. రెండు గదుల మధ్య డోర్ లేకపోతే నష్టాలు కలుగుతాయా... మొదలగు వాస్తు సందేహాల గురించి ఆయన ఏమంటున్నారో చూద్దాం. . .
ప్రశ్న: మా కిచెన్ లో అటకలు తూర్పు, దక్షిణం వైపు ఉన్నాయి. బెడ్ రూమ్ లో పడమర, తూర్పు దిక్కుల్లో ఉన్నాయి. ఒక సిద్ధాంతి నైరుతిలో అటక ఉండకూడదని చెప్పారు. అటకలు ఏఏ గదుల్లో, ఏఏ దిక్కుల్లో కట్టుకోవాలి?
జవాబు: మీ కిచెన్, బెడ్రూంలో అటకలు తూర్పుదిక్కులో ఉన్నాయి. మంచిది కాదు. వాటిని తొలగించండి. నైరుతిలో ఉండడం వల్ల ఎలాంటి దోషం లేదు. ఏ గదిలో అయినా అటకలు తూర్పు, ఉత్తరం దిక్కుల్లో పెట్టుకోవడం మంచిది కాదు. దక్షిణం, పడమర దిక్కుల్లో మాత్రమే కట్టుకోవాలి
రెండు గదుల మధ్య డోర్ ఉండొచ్చా..
ప్రశ్న: మాది తూర్పు వాకిలి ఇల్లు. ఆగ్నేయంలో ఉన్న వంటగదిని ఆనుకొని మరోగది కట్టాం. ఆ రెండింటికీ మధ్యలో డోర్ పెట్టొచ్చా? గదుల్లో మార్పులేమైనా చేయాలా?.
జవాబు: ఆగ్నేయంలో వంటగది ఉండటం మంచిదే. రెండు గదులను కలుపుతూ మధ్యలో డోర్ పెట్టుకోవడం వల్ల ఎలాంటి నష్టం లేదు. కొత్తగా కట్టిన రూము వాయువ్యంలో డోర్ వచ్చేలా చూసుకోండి. మంచి ఫలితం ఉంటుందని వాస్తు కన్సల్టెంట్ కాశీనాథుని శ్రీనివాస్ అంటున్నారు.
