న్యూఢిల్లీ, వెలుగు: ఓటుకు నోటు కేసు విచారణను సుప్రీంకోర్టు జులైకి వాయిదా వేసింది. ఈ అంశంలో దాఖలైన రెండు కేసుల విచారణను మధ్యప్రదేశ్ కు బదిలీ చేయాలని ఈఏడాది జనవరి 31న బీఆర్ఎస్ నేతలు జగదీశ్ రెడ్డి, కల్వకుంట్ల సంజయ్ సుప్రీంకోర్టులో పిటిషన్ వేశారు. ఈ పిటిషన్ ను శుక్రవారం జస్టిస్ బీఆర్ గవాయీ, జస్టిస్ సతీష్ చంద్ర శర్మ, జస్టిస్ సందీప్ మెహతాతో కూడిన బెంచ్ విచారించింది.
పిటిషనర్, ప్రతివాదుల తరపున అడ్వకేట్లు ఒకరినొకరు టార్గెట్ గా వాదనలు కొనసాగించడంతో జస్టిస్ బీఆర్ గవాయీ అసహనం వ్యక్తం చేశారు. దీంతో అడ్వకేట్లు బెంచ్ కు క్షమాపణ చెప్పారు.
