- జడ్చర్ల ఎమ్మెల్యే అనిరుధ్‌‌‌‌పైనా రిపోర్ట్
హైదరాబాద్, వెలుగు: మంత్రి దామోదర్ రాజనర్సింహ, జుక్కల్ ఎమ్మెల్యే లక్ష్మీకాంతారావు వ్యవహారంపై మీరే నిర్ణయం తీసుకోవాలని హైకమాండ్ కు పీసీసీ చీఫ్ మహేశ్ గౌడ్ విన్నవించారు. ఈ మేరకు ఏఐసీసీ ప్రధాన కార్యదర్శి కేసీ వేణుగోపాల్ కు నివేదిక పంపారు. ఇటీవల ‘సర్’కు వ్యతిరేకంగా ఢిల్లీలో జరిగిన కాంగ్రెస్ సభ సందర్భంగా ఓ హోటల్ లో మంత్రి, ఎమ్మెల్యే గొడవపడ్డ విషయం తెలిసిందే. దీనిపై వాస్తవాలు తెలుసుకొని వివరణ తీసుకునేందుకు గాంధీ భవన్ కు రావాలని పీసీసీ చీఫ్ హోదాలో వారిని కోరానని, కానీ ఇద్దరూ రాలేదని రిపోర్ట్లో పేర్కొన్నారు.
కారణం తెలుసుకునేందుకు ఫోన్చేసినా స్పందించలేదని, పీసీసీ అధ్యక్షుడి పదవికి సైతం వారు తగిన గౌరవం ఇవ్వలేదని మహేశ్గౌడ్అందులో చెప్పినట్లు తెలిసింది. ఇక, జడ్చర్ల ఎమ్మెల్యే అనిరుధ్ రెడ్డి ఇటీవలి కాలంలో తరచూ చేస్తున్న వ్యాఖ్యలు ఇటు పార్టీకి అటు ప్రభుత్వానికి ఇబ్బంది కలిగించేలా ఉన్నాయని హైకమాండ్కు పీసీసీ చీఫ్రిపోర్ట్ఇచ్చారు. ఇందుకు సంబంధించిన ఆడియో, వీడియో ఆధారాలు, పత్రికల క్లిపింగ్స్ను జత చేసి పంపినట్లు సమాచారం. కాంగ్రెస్ ఎమ్మెల్యేగా ఆయన తరచూ చేస్తున్న వివాదాస్పద వ్యాఖ్యలు క్రమశిక్షణ ఉల్లంఘన కిందికి వస్తాయని, పరిశీలించి తగిన నిర్ణయం తీసుకోవాలని కోరినట్లు తెలిసింది.
