- వెలుగు వార్తకు స్పందన
హైదరాబాద్, వెలుగు: రాష్ట్రంలోని ప్రభుత్వ జూనియర్ కాలేజీల్లో పనిచేసే లెక్చరర్లు, ఇతర సిబ్బందికీ ఫేషియల్ అటెండెన్స్(ఎఫ్ఆర్ఎస్) పెట్టనున్నట్టు ఇంటర్మీడియెట్ కమిషనరేట్ప్రకటించింది. ఈ నెల22న ‘సార్లకు బయోమెట్రిక్ తీసేసి.. స్టూడెంట్లకు ఫేషియల్ అటెండెన్స్’ హెడ్డింగ్తో వెలుగులో వార్త ప్రచురితమైంది. స్టూడెంట్లకు పెట్టి, లెక్చరర్లకు పెట్టకపోవడం ఏంటని అధికారులపై సర్కార్ సీరియస్ అయింది. వెంటనే లెక్చరర్లకూ ఎఫ్ఆర్ఎస్ అమలు చేయాలని ఆదేశించింది.
దీంతో గురువారం ఇంటర్మీడియెట్ ఆర్జేడీ జయప్రదబాయి.. డీఐఈవోలు, నోడల్ అధికారులతో వర్చవల్గా సమావేశం నిర్వహించి, లెక్చరర్లు, ఇతర సిబ్బందికీ ఫేషియల్ రికగ్నేషన్ అటెండెన్స్ విధానాన్ని అమలు చేయాలని ఆదేశించారు. రిజిస్ర్టేషన్ల ప్రక్రియనూ స్టార్ట్ చేయాలన్నారు. ఇదే సమయంలో ‘వెలుగు’ కథనంపై ఇంటర్మీడియెట్ కమిషనర్ స్పందిస్తూ.. ఎడ్యుకేషన్లో క్వాలిటీ పెంచేందుకు, డ్రాపౌట్స్ తగ్గించేందుకు ఫేషియల్ అటెండెన్స్ విధానం తీసుకొచ్చామని చెప్పారు.
