- అందుబాటులో ఆరో తరగతి, ఇంటర్ ఫస్టియర్సీట్లు
హైదరాబాద్, వెలుగు: రాష్ట్రంలోని మోడల్ స్కూళ్లలో ఖాళీగా ఉన్న సీట్లను భర్తీ చేస్తున్నట్టు మోడల్ స్కూల్ అడిషనల్ డైరెక్టర్ శ్రీనివాసచారి తెలిపారు. ఆరో తరగతితో పాటు ఇంటర్ ఫస్టియర్లో సీట్లున్నాయని, ఇంట్రెస్ట్ ఉన్న విద్యార్థులు దగ్గరలోని మోడల్ స్కూళ్లకు వెళ్లి వివరాలు తెలుసుకోవాలని సూచించారు. ఈ మేరకు ఆయన బుధవారం మీడియాతో మాట్లాడారు.
బుధవారం నాటికి ఆరో తరగతిలో 8,330 అడ్మిషన్లు, ఇంటర్ ఫస్టియర్లో 11,205 మంది అడ్మిషన్లు పొందారని చెప్పారు. చాలా మోడల్ స్కూళ్లలో సీట్లు ఖాళీగా ఉన్నాయని తెలిపారు. ఆరు, ఏడు, ఎనిమిదో తరగతి విద్యార్థులకు ఇంగ్లిష్ గ్రామర్ కోర్సును నేర్పిస్తున్నామని చెప్పారు. దీనికోసం ప్రత్యేకంగా తయారు చేసిన బుక్స్ ను అందిస్తామని, ఆడియో/ వీడియో క్లాసులు కొనసాగిస్తున్నామని వివరించారు.
