న్యూజిలాండ్‌తో జరిగిన తొలి టీ20లో టీమిండియా అసాధారణ ప్రదర్శనతో చరిత్ర సృష్టించింది. కివీస్ నిర్దేశించిన 226 పరుగుల భారీ లక్ష్యాన్ని కేవలం 19.4 ఓవర్లలోనే 6 వికెట్లు కోల్పోయి ఛేదించి, 4 వికెట్ల తేడాతో ఘన విజయం సాధించింది. ఈ విజయంతో 5 మ్యాచ్‌ల సిరీస్‌లో భారత్ 1-–0 ఆధిక్యంలోకి దూసుకెళ్లింది.
మ్యాచ్ హైలైట్స్:
* సంజు శాంసన్ (67 పరుగులు, 33 బంతులు): కేవలం 23 బంతుల్లోనే అర్ధ శతకం పూర్తి చేసుకున్న శాంసన్, 8 ఫోర్లు, 4 సిక్సర్లతో చెలరేగి జట్టుకు అదిరిపోయే ఆరంభాన్నిచ్చాడు. అభిషేక్ శర్మ (29)తో కలిసి తొలి వికెట్‌కు మెరుపు వేగంతో 93 రన్స్ జోడించారు.
* శ్రేయస్ అయ్యర్ (42 పరుగులు, 28 బంతులు): మిడిల్ ఆర్డర్లో వికెట్లు పడుతున్న సమయంలో కెప్టెన్ శ్రేయస్ బాధ్యతాయుతంగా ఆడి ఇన్నింగ్స్‌ను చక్కదిద్దాడు.
* నమన్ ధీర్ ఫినిషింగ్ టచ్ (42 పరుగులు, 15 బంతులు): చివరి ఓవర్లలో క్రీజులోకి వచ్చి కివీస్ బౌలర్లపై ఎదురుదాడికి దిగిన నమన్ ధీర్, ఆఖర్లో అద్భుతమైన సిక్సర్‌తో మ్యాచ్‌ను ఫినిష్ చేసి టీమిండియాకు చిరస్మరణీయ విజయాన్ని అందించాడు.
ALSO READ : రేపు ఆ కుర్రాడు ఆడుతున్నాడా?..
టీమిండియా ఆల్-టైమ్ రికార్డ్:
ఈ గెలుపుతో టీ20 క్రికెట్ చరిత్రలో భారత్ విజయవంతంగా ఛేదించిన అత్యధిక పరుగుల లక్ష్యం (Highest Successful T20I Run Chase) ఇదే కావడం విశేషం. అంతకుముందు ఆస్ట్రేలియా (209), న్యూజిలాండ్‌ (209) పై సాధించిన రికార్డులను ఈ మ్యాచ్‌తో టీమిండియా బ్రేక్ చేసేసింది.
