- కోతల్లేని కరెంట్ సరఫరాకు టీజీఎన్పీడీసీఎల్ ప్రిపేర్
- కొత్త లైన్లు, కొత్త సబ్ స్టేషన్ల ఏర్పాటుకు రిపోర్ట్ తయారు
- డిమాండ్కు సరిపడా పూర్తి స్థాయి వసతుల పైనా ఫోకస్
- క్షేత్ర స్థాయిలో ఇబ్బందులు, అవసరాలపై సీఎండీ ఆదేశాలు
- ప్రపోజల్స్ రూపొందించే పనిలో అన్ని సర్కిళ్ల ఆఫీసర్లు
హనుమకొండ, వెలుగు: విద్యుత్ డిమాండ్ను బట్టి నాణ్యతతో పంపిణీ చేసేందుకు తెలంగాణ నార్తర్న్పవర్డిస్ట్రిబ్యూషన్కంపెనీ లిమిటెడ్(టీజీఎన్పీడీసీఎల్) ప్రిపేర్ అవుతోంది. ఓల్టేజీ ఇష్యూస్, లూజ్ లైన్లు, క్షేత్రస్థాయిలో ఇబ్బందుల కారణంగా కరెంట్సరఫరాలో అంతరాయం తలెత్తకుండా ప్లాన్ చేస్తోంది.
కరెంట్ కోతలను పూర్తిగా నివారించేందుకు వచ్చే పదేండ్ల కాలానికి ప్రణాళికను రూపొందిస్తోంది. ఇప్పటికే ఎన్పీడీసీఎల్పరిధిలోని అన్ని సర్కిళ్ల ఆఫీసర్లకు సీఎండీ కర్నాటి వరుణ్రెడ్డి ఆదేశాలు ఇచ్చారు. దీంతో క్షేత్రస్థాయిలో సమస్యలు గుర్తించడంతో పాటు అవసరమైన పనులకు ప్రతిపాదనలు సిద్ధం చేసే పనిలో నిమగ్నమయ్యారు.
పెరుగుతోన్న విద్యుత్ డిమాండ్ను బట్టి..
ఎన్పీడీసీఎల్ పరిధిలో హనుమకొండ, వరంగల్, జనగామ, భూపాలపల్లి, మహబూబాబాద్, ఖమ్మం, భద్రా ద్రి, కరీంనగర్, జగిత్యాల, పెద్దపల్లి, నిజామాబాద్, కామారెడ్డి, ఆదిలాబాద్, నిర్మల్, మంచిర్యాల, ఆసిఫాబాద్ సర్కిళ్లు ఉన్నాయి. ఈ16 సర్కిళ్లలో డొమెస్టిక్, కమర్షియల్, ఇండస్ట్రియల్కు కలిపి 68.34 లక్షలు, 12.2 లక్షలకుపైగా అగ్రికల్చర్ కనెక్షన్లు ఉన్నాయి.
సంస్థ పరిధిలో రోజుకు 4 వేల మెగావాట్ల విద్యుత్ డిమాండ్ ఉంటోంది. సమ్మర్లో మరింత ఎక్కువగా ఉంటుండగా.. ఫిబ్రవరి, మార్చి వచ్చిందంటే రికార్డు స్థాయిలో పెరిగిపోతోంది. దీంతో కొన్నిచోట్ల ట్రాన్స్ఫార్మర్లపై ఓవర్ లోడ్ పడుతోంది. మరోవైపు ఏటేటా విద్యుత్ డిమాండ్పెరిగిపోతుండగా భవిష్యత్లోనూ మరింత ఎక్కువయ్యే చాన్స్ ఉందని ఆఫీసర్లు అంచనా వేశారు.
రాబోయే పదేండ్ల ప్రణాళికపై ఫోకస్
సంస్థ పరిధిలోని సర్కిళ్లలో ఏడాదికి అన్నీ కలిపి లక్షకుపైగా కొత్త కనెక్షన్లు మంజూరవుతున్నాయి. ఇలా కొత్తగా కరెంట్ డిమాండ్పెరుగుతుండడంతో చాలాచోట్ల లూజ్లైన్లు, ఓల్టేజీ ఇబ్బందులతో సరఫరాలో అంతరాయా లు తలెత్తుతున్నాయి. దీంతో క్షేత్రస్థాయిలో పరిష్కరించడంతో పాటు భవిష్యత్ అవసరాల దృష్ట్యా వసతులు కల్పించేందుకు సంస్థ కసరత్తు చేపట్టింది.
రాబోయే ఐదేండ్లు, పదేండ్లకు అనుగుణంగా చర్యలు తీసుకుంటోంది. దీనిపై ఇటీవలే సీఎండీ వరుణ్రెడ్డి అన్ని సర్కిళ్ల ఆఫీసర్లతో సమావేశమై కరెంట్ డిమాండ్కు తగ్గట్టుగా, అంతరాయాలు లేకుండా సరఫరా చేసే చర్యలపై చర్చించారు. వచ్చే పదేండ్లకు డీటెయిల్డ్రిపోర్ట్స్ రూపొందించి ఇవ్వాలని ఆదేశించారు.
ప్రపోజల్స్ రెడీ చేస్తోన్న ఆఫీసర్లు
అన్ని సర్కిళ్లలోని ఆఫీసర్లు రిపోర్ట్స్ తయారు చేస్తున్నారు. కొత్త లైన్లు, డిస్ట్రిబ్యూషన్, పవర్ట్రాన్స్ఫార్మర్లు, కొత్త సబ్స్టేషన్ల ఏర్పాటుకు ప్రతిపాదనలు రూపొందిస్తున్నారు. లోడ్ఎక్కువగా నమోదయ్యే సర్కిళ్లలో కొత్త 132/33 కేవీ సబ్స్టేషన్ల ఏర్పాటుకు చర్యలు తీసుకుంటున్నారు.
నిరంతర విద్యుత్ సరఫరాకు ఇంటర్లింకింగ్ లైన్లను కూడా పెంచేందుకు కసరత్తు చేస్తున్నారు. ఇలా అన్ని సర్కిళ్ల సమగ్ర నివేదికకు అధికారులు ప్రతిపాదనలు రూపొందిస్తున్నారు. ఆ తర్వాత బడ్జెట్ అంచనాలు వేసి పనులు చేపట్టనున్నట్లు అధికారులు చెబుతున్నారు.
విద్యుత్ లోడ్కు అనుగుణంగా సబ్స్టేషన్లు
సీఎండీ ఆదేశాల మేరకు వచ్చే ఐదు, పదేండ్లకు అవసరమైన పనులను గుర్తిస్తున్నాం. విద్యుత్ లోడ్కు అనుగుణంగా కొత్త లైన్లు, సబ్స్టేషన్లు, సామర్థ్యం పెంపు వంటి ఇతర పనులకు ప్రతిపాదనలు తయారు చేస్తున్నాం. సమగ్ర నివేదిక రూపొందించిన అనంతరం ఉన్నతాధికారుల ఆదేశాల మేరకు చర్యలుతీసుకుంటాం. ప్రస్తుతం విద్యుత్ సరఫరాలో ఎలాంటి అంతరాయాలు తలెత్తకుండా చూస్తున్నాం.
పి.మధుసూదన్రావు, ఎస్ఈ, హనుమకొండ
