హైదరాబాద్, వెలుగు: ఆసియా షూటింగ్ చాంపియన్‌‌‌‌‌‌‌‌షిప్లో రెండు మెడల్స్‌ నెగ్గిన స్టేట్ షూటర్ కొడవలి తనిష్క్ను తెలంగాణ రైఫిల్ అసోసియేషన్ (టీఆర్ఏ) సత్కరించింది. గచ్చిబౌలిలోని శాట్జ్‌ షూటింగ్ రేంజ్‌‌‌‌‌‌‌‌లో బుధవారం జరిగిన ఈ కార్యక్రమంలో తనిష్క్ను టీఆర్ఏ ప్రెసిడెంట్ అమిత్ సంఘీ అభినందించారు. తనిష్క్ 25 మీటర్ల స్టాండర్డ్ పిస్టల్ జూనియర్ విభాగంలో కాంస్య, టీమ్ ఈవెంట్‌‌‌‌‌‌‌‌లో స్వర్ణం సాధించాడు. ఇదే టోర్నీలో కాంస్యం నెగ్గిన ఇషా సింగ్‌‌‌‌‌‌‌‌ను కూడా అభినందించిన అమిత్ సంఘీ స్టేట్ షూటర్లకు అత్యుత్తమ శిక్షణా సదుపాయాలతో పాటు వారికి అవసరమైన పూర్తి మద్దతు ఇస్తామని హామీ ఇచ్చారు.
