చెన్నై: తమిళ హీరో విజయ్ రాజకీయ పార్టీ పెట్టనున్నారు. ఆయన రాజకీయ రంగ ప్రవేశంపై ఎన్నాళ్ల నుంచో వార్తలు వస్తున్నాయి. పార్టీ పెట్టడం ఖాయమని ప్రకటనలు చేస్తూ వచ్చిన విజయ్.. ఆ దిశగా ఇప్పుడు ప్రాసెస్ స్టార్ట్ చేశారు. పార్టీ పేరు, రిజిస్టర్ చేయించడంపై చర్చించేందుకు 200 మంది ముఖ్య నాయకులతో ఇటీవల ఆయన చెన్నైలో భేటీ అయ్యారు.
అందులో పార్టీ ప్రెసిడెంట్గా విజయ్ను ఎన్నుకున్నారు. పార్టీని రిజిస్టర్ చేసిన వెంటనే విజయ్ పొలిటికల్ యాక్టివిటీని ప్రారంభిస్తారని మీటింగ్లో పాల్గొన్న నేతలు చెప్పారు. 2026లో తమిళనాడు అసెంబ్లీ ఎన్నికలే లక్ష్యంగా పార్టీ పనిచేస్తుందని, ఆలోపు పార్టీ నిర్మాణంపై దృష్టి సారిస్తారన్నారు.
