న్యూఢిల్లీ : 75వ ఇండియన్ రిపబ్లిక్ డే వేడుకల్లో పాల్గొనడం తమ దేశానికి దక్కిన గొప్ప గౌరవం అని ఫ్రాన్స్ అధ్యక్షుడు ఇమ్మాన్యుయెల్ మెక్రాన్ అన్నారు. దేశ ప్రజలకు ఛబ్బీస్ జనవరి శుభాకాంక్షలు తెలిపారు. ప్రధాని నరేంద్ర మోదీతో దిగిన ఫొటోను ట్విట్టర్లో షేర్ చేస్తూ.. ఇండియాకు థ్యాంక్స్ చెప్పారు. కర్తవ్యపథ్లో శుక్రవారం నిర్వహించిన రిపబ్లిక్ డే వేడుకల్లో రాష్ట్రపతి ద్రౌపది ముర్ము, ప్రధాని మోదీ, కేంద్ర మంత్రులతో కలిసి మెక్రాన్ చీఫ్ గెస్ట్గా పాల్గొన్నారు. ఈ సందర్భంగా నిర్వహించిన గ్రాండ్ మిలటరీ పరేడ్, కల్చర్ ప్రోగ్రామ్స్, శకటాల ప్రదర్శనను చూశారు. వేడుకల్లో భాగస్వామ్యం అయినందుకు ఎంతో సంతోషంగా ఉందన్నారు. రెండు దేశాల ఫ్రెండ్షిప్కు ఇది నిదర్శనమని తెలిపారు. ఇండియాతో ఉన్న అసాధారణ భాగస్వామ్యాన్ని మరింత పటిష్టం చేసుకోవడానికి వచ్చానని చెప్పారు. యువతను ఒకచోట చేర్చడమే తన మొదటి లక్ష్యం అని తెలిపారు.
ఉన్నత చదువుల కోసం ఫ్రాన్స్కు రండి..
ఇండియన్ రిపబ్లిక్ డే వేడుకల సందర్భంగా ఫ్రాన్స్ అధ్యక్షుడు మెక్రాన్ మన స్టూడెంట్స్కు గుడ్ న్యూస్ చెప్పారు. ఫ్రాన్స్లో చదువుకోవాలనుకునేవారికి మరిన్ని అవకాశాలు కల్పిస్తామన్నారు. 2030 నాటికి 30వేల మంది ఇండియన్ స్టూడెంట్స్ను తమ దేశంలోని వివిధ యూనివర్సిటీల్లో చదువుకునేందుకు ఆహ్వానించాలని ఫ్రాన్స్ లక్ష్యంగా పెట్టుకుందని తెలిపారు.
