- వృద్ధురాలిని తాళ్లతో కట్టేసి..నగలు, నగదు దోపిడీ
- టూ లెట్ బోర్డు చూసి ఇంట్లోకి చొరబడ్డ దుండగులు
పద్మారావునగర్, వెలుగు: వారాసిగూడ పరిధిలోని పార్సిగుట్టలో దొంగలు రెచ్చిపోయారు. పట్టపగలే ఓ ఇంట్లో వృద్ధురాలిని తాళ్లతో కట్టేసి నగదు, నగలు ఎత్తుకెళ్లారు. స్థానికులు వివరాల ప్రకారం.. పార్సిగుట్టకు చెందిన పారిజాతం అనే వృద్ధురాలు తన ఇంటి ముందు టూ లెట్బోర్డు పెట్టింది. దీంతో అద్దె కోసమని ఇద్దరు దుండగులు ఇంట్లోకి చొరబడ్డారు. వృద్ధురాలు ఒంటరిగా ఉండడం గమనించి, ఆమెను బెడ్రూంలో తాళ్లతో కట్టేసి, నోటికి ప్లాస్టర్వేశారు. ఆపై కత్తితో బెదిరించి, మూడు తులాల బంగారు నగలు, రూ. ఆరు వేల నగదు, ఒక మొబైల్ ఫోన్ను ఎత్తుకెళ్లారు. ఈ ఘటన స్థానికంగా చర్చనీయాంశంగా కాగా, పోలీసులు కేసు నమోదు చేసి దర్యాప్తు చేస్తున్నారు.
