నకిరేకల్/కట్టంగూరు, వెలుగు: ప్రభుత్వ ఆసుపత్రిలో కరోనా టెస్టులు చేయిస్తానని నమ్మబలికి వృద్ధురాలి పేరిట ఉన్న భూమిని పట్టా చేయించుకున్న వ్యక్తిపై పోలీసులు కేసు నమోదు చేశారు. ఎస్సై విజయ్కుమార్ తెలిపిన వివరాల ప్రకారం.. నల్గొండ జిల్లా కట్టంగూరు మండలం కల్మెర గ్రామానికి చెందిన బెల్లి ఎల్లమ్మ(80) జ్వరంతో బాధపడుతుండడంతో ఆమె బంధువు బెల్లి వీరయ్య(58) దవాఖానకు తీసుకువెళ్లి కరోనా టెస్టులు చేయిస్తానని చెప్పాడు. 20 రోజుల క్రితం కట్టంగూరు తహసీల్దార్ఆఫీసుకు తీసుకువెళ్లాడు. కరోనా టెస్టు చేయించేందుకు సంతకాలు చేయాలని నమ్మించి ఆమె పేరు మీద ఉన్న 27 గుంటల భూమిని రిజిస్ట్రేషన్చేయించుకున్నాడు. జరిగిన మోసం తెలియడంతో ఎల్లమ్మ శనివారం పోలీసులకు ఫిర్యాదు చేసింది. వీరయ్యపై పోలీసులు చీటింగ్కేసు నమోదు చేశారు. మరోవైపు ఎస్సై తనను కొట్టాడంటూ నిందితుడు ఆరోపించాడు. నిందితుడి ఆరోపణలు అవాస్తవమని, అతడే చేతిపై గీసుకుని తాను కొట్టానని చెబుతున్నాడని ఎస్సై చెప్పారు.
