న్యూఢిల్లీ: మనదేశంలో ఇండస్ట్రియల్ ప్రొడక్షన్ జులైలో 2.4 శాతం పెరిగిందని కేంద్ర ప్రభుత్వం సోమవారం ప్రకటించింది. నేషనల్ స్టాటిస్టికల్ ఆఫీస్ (ఎన్ఎస్ఓ) డేటా ప్రకారం ఇండెక్స్ ఆఫ్ ఇండస్ట్రియల్ ప్రొడక్షన్ (ఐఐపీ) 2021 జులైలో 11.5 శాతం పెరిగింది. ఈ ఏడాది జులైలో మాన్యుఫాక్చరింగ్ ప్రొడక్షన్ 3.2 శాతం పెరిగింది. మైనింగ్ ప్రొడక్షన్ 3.3 శాతం తగ్గగా, కరెంటు ప్రొడక్షన్ 2.3 శాతం పెరిగింది. 2020 ఏప్రిల్లో కరోనా లాక్డౌన్ల వల్ల ఇండస్ట్రియల్ ప్రొడక్షన్ 57.3 శాతం తగ్గింది.
రిటైల్ ఇన్ఫ్లేషన్ 7 శాతానికి జంప్
రిటైల్ ఇన్ఫ్లేషన్ (ధరల పెరుగుదల) ఈ ఏడాది ఆగస్టులో 7 శాతానికి చేరుకుంది. ఇది జులైలో 6.71 శాతంగా రికార్డయింది. ఆహార ధరల పెరుగుదల కారణంగా ఇన్ఫ్లేషన్ ఇంకా ఎక్కువది. వినియోగదారుల ధరల సూచీ (సీపీఐ) ఆధారిత ఇన్ఫ్లేషన్ వరుసగా ఎనిమిదో నెలలో ఆర్బీఐ కంఫర్ట్ లెవెల్ 6 శాతం కంటే ఎక్కువగా ఉంది. ఆహార విభాగం ఇన్ఫ్లేషన్ ఆగస్టులో 7.62 శాతంగా ఉండగా, జూలైలో 6.69 శాతం రికార్డయింది.