హైదరాబాద్: రాష్ట్ర ప్రభుత్వం నిర్వహిస్తున్న మన ఊరు–మన బడి కార్యక్రమానికి సీఎంఆర్ ఫౌండర్, చైర్మన్ మావూరి వెంకటరమణ రూ.50 లక్షల విరాళం అందించారు. ఇటీవల ఖమ్మంలో సీఎంఆర్ షాపింగ్ మాల్ 19వ స్టోర్ను ప్రారంభించారు. ఈ కార్యక్రమానికి హాజరైన ఖమ్మం కలెక్టర్ వీపీ గౌతమ్, ఖమ్మం మున్సిపల్ కమిషనర్ ఆదర్శ్ సురభి, ఖమ్మం మున్సిపల్ కార్పొరేషన్ మేయర్ పునుకొల్లు నీరజ సమక్షంలో రాష్ట్ర మంత్రి పువ్వాడ అజయ్ కుమార్కు రూ.50 లక్షల చెక్కును సంస్థ ఫౌండర్, చైర్మన్ మావూరి వెంకటరమణ, మేనేజింగ్ డైరెక్టర్ మావూరి మోహన్ బాలాజీ అందజేశారు.
ఖమ్మం జిల్లాలోని ప్రభుత్వ స్కూళ్లలో స్టూడెంట్లకు మౌలిక సదుపాయాలు కల్పించేందుకు ఈ మొత్తం అందించినట్టు సీఎంఆర్ యాజమాన్యం వెల్లడించింది. సామాజిక ధృక్పథంతో తెలుగు రాష్ట్రాల్లో సేవా కార్యక్రమాలు నిర్వహిస్తున్నట్టు తెలిపింది.
