టాలీవుడ్ మన్మథుడు ‘నాగార్జున’ నటిస్తున్న యాక్షన్ థ్రిల్లర్ ‘ది ఘోస్ట్’ లో రొమాంటిక్ సాంగ్ కూడా ఉంది. నాగార్జున, సోనాల్ చౌహాన్ మీద చిత్రీకరించిన ‘వేగమ్’ సాంగ్ ప్రోమోను ఇవాళ విడుదల చేశారు. ‘వదలక వదిలే ప్రాయం’ అంటూ సాంగ్ సాగింది. ఈ మెలోడియస్ ప్రోమో అభిమానులను ఆకట్టుకుంటోంది. దీనిలోని ఓ స్టిల్ ను కూడా విడుదల చేశారు. ఇందులో నాగార్జున, సోనాల్ లు క్రూయిజ్ లో ఉండడం కనిపించింది. భరత్ - సురభ్ స్వర పరిచిన ఈ పాటను కృష్ణ మదినేని రాశారు. కపిల్ కపిలన్, రమ్య బెహరా పాడారు. ఫుల్ సాంగ్ ను శుక్రవారం విడుదల చేయనున్నట్లు చిత్ర బృందం వెల్లడించింది. ప్రవీణ్ సత్తారు దర్శకత్వంలో రూపొందిన ’ది ఘోస్ట్‘ మూవీని అక్టోబర్ 5న విడుదల చేయనున్నారు.
ఓ వైపు సినిమాలు, మరోవైపు షోలతో నాగార్జున ఫుల్ బిజీగా ఉన్నారు. అయితే.. కొన్ని సినిమాలు ఫ్లాప్ అవడంతో హిట్ కోసం ఆయన ప్రయత్నిస్తున్నారు. ఈ ఏడాది ప్రారంభంలో కరోనా క్లిష్ట సమయంలో కూడా ‘బంగర్రాజు’ సినిమాను నాగ్ విడుదల చేశారు. కొడుకు నాగ చైతన్య’తో కలిసి నటించిన ఈ మూవీ బాక్సాఫీస్ వద్ద సూపర్ హిట్ గా నిలిచింది. ఇటీవలే వచ్చిన ‘బ్రహ్మాస్త్రం’ సినిమాలో ఓ స్పెషల్ పాత్రను ఆయన పోషించారు. ఇప్పుడు ‘ది ఘోస్ట్’ సినిమాపై ఫుల్ ఫోకస్ పెట్టారు. మరి ఈ సినిమా అభిమానులను మెప్పిస్తుందా ? లేదా ? అనేది తెలియాలంటే వేచిచూడాలి.
The teaser of #Vegam from #TheGhost ! ❤️
— Sony Music South (@SonyMusicSouth) September 15, 2022
➡️ https://t.co/5JJLeg7z7X
Full song releasing tomorrow at 4:05PM ?#TheGhostOnOct5@iamnagarjuna @PraveenSattaru @sonalchauhan7 @SVCLLP @nseplofficial pic.twitter.com/9Mu1vLdPlf
